1 Korente 9:10 - MUKANDA WA MYIDI MUKULU

¹⁰ Bionsu bidi Mvidi Mukulu wamba, kena ubiamba bualu buetu anyi? Bushuwa, mukenji awu mmutufundila tuetu. Nansha udi udima, nansha udi ushipula ntete, bonsu mbatekemene kupeta bia ku dinowa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ anyi udi wamba nunku anu bua bualu buetu? Bua bualu buetu bakafunda dî edi, bua muntu udi udima udi ne bualu bua kudima ne ditekemena, muntu udi ushihula udi ne bualu bua kushihula ne ditekemena dia kuangata bia kudia.

1 Korente 9:10 交叉引用

2 Timote 2:6

Tshidime udi ukuata mudimu mukole, ke udi udianjila kunowa bia mu budimi.

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

2 Korente 4:15

Tudi tuenza bionsu abi bualu buenu, bua bantu, badi bitaba bua Mvidi Mukulu abanange, bavulangane, bamuele tuasakidila, bamutumbishe.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Dibadika 18:31

Nudi mua kudia bintu ebi miaba yonsu. Nudi mua kubidia ne bena meku enu bonsu, bualu ndifutu dia ku mudimu unudi nungenzela mu ntenta wa kusambakena.