1 Korente 8:13 - MUKANDA WA MYIDI MUKULU

¹³ Nanku pikala biakudia bilenduisha muanetu, kashidi tshiena mua kudia kabidi munyinyi, bua tshifikishi muanetu ku bubi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku bialenduisha bia kudia muanʼetu wa mu Kilisto, tshiena ndia munyinyi tô ne tshiendelele, bua tshilenduishi muanʼetu.

1 Korente 8:13 交叉引用

Rome 14:21

Bidi bimpe kubenga kudia munyinyi, kubenga kunua maluvu, kuepuka bionsu, padibi mua kulenduisha muanenu.

2 Korente 11:29

Padi muntu kayi ne bukole, meme kabidi ndi ndiumvua ne: tshiena nabu. Padi muntu udishinda mu bubi, bidi bimbungamija bikole.

2 Korente 6:3

Katuena basue bua nupetele pa kujanyina mudimu wetu. Ke mutudi katuyi basue kulenduisha muntu nansha umue.

1 Korente 13:5

Kena upanga kanemu, kena ukeba kudisankisha, kena ufika munda, kena ne njiya.

1 Korente 6:12

Bamue ba kunudi badi bamba ne: “Ndi mua kuenza bionsu bindi musue.” Bidi nanku! Kadi bionsu kabiena bikulengelela nansha. Mvua mua kuamba ne: “Ndi mua kuenza bionsu bindi musue,” kadi tshiena mua kudienza mupika wa muntu, nansha wa tshintu.

1 Korente 10:33

Ngidikijayi! Ndi ndibamba bua kusankisha bantu bonsu mu malu onsu. Tshiena nkeba bidi bindengelela meme, kadi bidi bilengelela bonsu, bua bapete lupandu.

1 Korente 9:12

Padi bakuabu mua kupeta bia nanku kunudi, tuetu katuena mua kubipeta anyi? Tudi bashadile kudibu anyi? Kadi katuvua balombe bituvua mua kulomba nansha. Pa mutu pa kuenza nanku, tuoua tuditatshisha bua kupeta bituvua tukengela, bua katujikidi Lumu lua Disanka ludi lutangila Kristu njila.

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Rome 14:13

Nanku tulekelayi kulumbuluishangana. Tshinudi ne bua kulekela kuenza ngetshi: kanuenji bualu nansha bumue budi mua kulenduisha muanenu, nansha kumufikisha ku bubi.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.