1 Korente 7:17 - MUKANDA WA MYIDI MUKULU

¹⁷ Pa kumusha amu bualu bumvua munuambile abu, ndi ngela mukenji ewu mu Bisumbu bionsu bia bena ditaba ne: muntu yonsu asombe bilondeshile dipa divuaye mupete kudi Mvidi Mukulu, kabidi ashale muvuaye diba divua Mvidi Mukulu mumubikile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kadi, bu mudi Mukelenge mutahuluile muntu ne muntu tshikadilu, bu mudi Nzambi mubikile muntu ne muntu, ende biandi nunku. Au mukenshi undi ngela mu ekelesia yonso.

1 Korente 7:17 交叉引用

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

1 Korente 7:24

Eyowa, bana hetu, muntu yonsu ashale kumpala kua Mvidi Mukulu muende muvuaye diba divua Mvidi Mukulu mumubikile.

2 Korente 8:18

Tudi tumutuma pamue ne muanetu udibu banyisha mu Bisumbu bionsu bia bena ditaba, bua mudimu wa kulongesha Lumu lua Disanka udiye ukuata.

2 Korente 11:28

Mvua mua kutela bikuabu bia bungi. Kadi ntshidi ntela amu tshimue: ke bujitu bundi nabu matuku onsu, ntatshila Bisumbu bionsu bia bena ditaba.

1 Korente 7:18

Pikalabu bamane kuteka muntu panshi, diba divua Mvidi Mukulu mumubikile, muntu awu kakebi mua kusokoka bualu abu nansha. Pikalabu kabayi bamane kuteka muntu panshi, diba divua Mvidi Mukulu mumubikile, kena ne bua kuditekeshisha panshi nansha.

1 Korente 7:7

Bulelela, dijinga dianyi didi ne: bantu bonsu bikale mundi. Kadi Mvidi Mukulu udi upesha muntu yonsu diende dipa, muntu yonsu diende.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

Matayi 19:12

Kudi malu mashilangane adi apangisha bantu bua baselangane. Bamue bantu kabena mudi balume, katshia babalela kudi bamamuabu. Bakuabu mbabenze nanku kudi bantu. Banga kabena basela ku budisuile buabu, bualu bua Bukalenga bua mu diulu. Udi mua kumvua dilongesha edi, wasangana kudiumvua anyiee? (Umvuee!)

1 Korente 16:1

Ndi ngandamuna kabidi ku nkonku inuvua bela pa bintu bidibu basangishila Tshisumbu tshia bena ditaba badi mu Yerushalayime. Nulonde mikenji imvua muelele Bisumbu bia bena ditaba ba mu Ngalatiya.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

Ngalate 1:22

Tshikondu tshijima atshi, bena ditaba ba mu Bisumbu bia bena Kristu bia mu Yudeya kabavua banji kutumona to.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.

2 Tesalonike 1:4

Ke patudi tuditemba bualu buenu mu Bisumbu bionsu bia bena ditaba ba Mvidi Mukulu. Bualu nansha mu makenga adibu banukengesha nawu, nansha mu ntatu inudi numona, nudi amu nunanukila bashindame mu ditaba.