1 Korente 5:2 - MUKANDA WA MYIDI MUKULU

² Kadi munudi nuditemba kabidi mmunyi? Nuvua ne bua kubungama, kumusha muntu awu munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

² Ne nuenu nuakadisua, ne kanuakadila bu muakadibi kuikala bimpe, bua yeye wakenza bualu ebu umushibue munkatshi muenu, anyi?

1 Korente 5:2 交叉引用

2 Korente 12:21

Pangafika bua kumonangana nenu, ndi ntshina ne: Mvidi Mukulu wanyi neampuekeshe milongu ku mesu enu. Bualu nengase muadi, pandi mmona ba bungi bavua benze bibi kale, kabayi badilengeja lelu. Nanku nulekele buendenda, malu a bundu, ne bilema bikuabu binuvua benze.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

Dibadika 25:6

Pavua Moshe ne bena Izrayele bonsu basangile, basengelela Mvidi Mukulu ku mushiku wa ntenta wa kusambakena, kumonabu muena Izrayele mukuabu ufika mu ntenta wa bana babu, ne mukaji wa bena Madiyane.

1 Korente 4:18

Bamue ba kunudi bayua badiela mulu, bela meji ne: Polu kakufika kuetu bua kumonangana netu.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.