1 Korente 4:17 - MUKANDA WA MYIDI MUKULU

¹⁷ Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bua bualu ebu nakanutumina Timote, udi muana wanyi munanga ne wa kueyemena mu Mukelenge; yeye neanuvuluishe bua bienzedi bianyi bia mu Kilisto, bu mundi nyisha bantu kuonso mu ekelesia yonso.

1 Korente 4:17 交叉引用

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Korente 16:10

Pikala Timote mufike, numuakidile bimpe muenu. Bualu udi ukuatshila Mfumu mudimu, mundi ngenza meme.

1 Korente 7:17

Pa kumusha amu bualu bumvua munuambile abu, ndi ngela mukenji ewu mu Bisumbu bionsu bia bena ditaba ne: muntu yonsu asombe bilondeshile dipa divuaye mupete kudi Mvidi Mukulu, kabidi ashale muvuaye diba divua Mvidi Mukulu mumubikile.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

1 Korente 16:1

Ndi ngandamuna kabidi ku nkonku inuvua bela pa bintu bidibu basangishila Tshisumbu tshia bena ditaba badi mu Yerushalayime. Nulonde mikenji imvua muelele Bisumbu bia bena ditaba ba mu Ngalatiya.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

1 Korente 11:2

Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

1 Korente 7:25

Ndi ngandamuna ku nkonku yenu ya pa bantu badi kabayi mu dibaka. Bindi ngamba ebi ki mbia kudi Mfumu to. Ndi mfila meji mundi mumone. Bu mudi Mfumu mumfuile luse, nudi amu mua kuitaba bindi ngamba.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

2 Timote 3:10

Kadi wewe uvua mundonde mu bimvua ndongesha, mu bimvua ngenza, kabidi ne mu bimvua ngipatshila. Uvua muidikije ditaba dianyi, lutuulu banyi, dinanga dianyi, muoyi mukole umvua nawu.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

Kolose 4:9

Badi bamufila kudi Onezime muanetu munanga, wa muoyi umue. Yeye udi wa kuenu aku. Nebanumanyishe bionsu bidi bipitakana kunu.

Kolose 1:7

Epafrase, udi wenzela Kristu mudimu pamue netu, ke uvua munulongeshe bualu abu. Mu mudimu udiye unukuatshila, udi ulamata Kristu ne muoyi umue.

Filipe 2:19

Pasua Mfumu Yezu, ndi ntekemena kunutumina Timote lukasa, bua papinganaye, antuadile ngumu ya kuenu, ankoleshe ku muoyi.

Efeze 6:21

Tishike muanetu munanga, udi ukuatshila netu Mfumu mudimu ne muoyi umue, neanuambile malu onsu adi antangila, bua numanye munkadi mpindiewu.

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

Matayi 25:23

Mfumuende kumuamba ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Nsumuinu 13:17

Muntu udibu batuma ne mukenji kayi uufikisha, udi ukengesha bantu. Muntu wa nsongu udi uufikisha, udi usamba bantu.

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

Bienzedi 16:1

Polu kufika mu Derbe, pashishe mu Listra. Muine amu muvua muena ditaba, dina diende Timote. Mamuende uvua muena Yuda mumane kubuela mu Tshisumbu tshia bena Kristu. Tatuende uvua muena Ngreke.

1 Korente 4:14

Ndi nnufundila nenku, ki mbua kunufuisha bundu, kadi amu bua kunubela bu bana banyi bandi nnanga.

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

2 Korente 8:18

Tudi tumutuma pamue ne muanetu udibu banyisha mu Bisumbu bionsu bia bena ditaba, bua mudimu wa kulongesha Lumu lua Disanka udiye ukuata.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

Tite 1:5

Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.