1 Korente 4:12 - MUKANDA WA MYIDI MUKULU

¹² Tudi tukuata mudimu, tupungila bua kudipetela biakudia, Badi batupenda, tudi tubela lupemba. Padibu bankengesha, tudi tulama lutuulu.

Mukanda wa Nzambi Dihungila Dikulukulu ne Dihungila Dihia-dihia 2003

¹² tudi tuenza mudimu mukole, tûenza ne bianza bietu; hatuhendabo, tudi tubavuidishila disanka; hatuikala ne makenga, tudi tudikankamika;

1 Korente 4:12 交叉引用

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

Matayi 5:11

Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga.

Rome 12:14

Badi banukengesha, nubalombele kudi Mvidi Mukulu bua abele lupemba. Numulombe bua abasankishe, kabatshipi nansha.

Rome 12:20

Mukanda wa tshijila udi wamba kabidi ne: “Padi muluishi webe ne nzala, umupeshe biakudia. Padiye ne nyota, umupe biakunua. Bualu paudi wenza nanku, nebikale bu makala atema kapia, audi unguija pa mutu wende.”

Bienzedi 18:3

Bu muvuabu bamanye mudimu wa momumue (bavua benji ba nzubu ya ntenta), Polu kuya kusomba kuabu, bua bakuate mudimu pamue.

Luke 6:28

Badi banuela mulawu, nubajingile diakalenga. Badi banukengesha, nubalombele kudi Mvidi Mukulu.

1 Petro 3:14

Nudi amu bena diakalenga, nansha banukengesha bua malu mimpe anudi nuenza. Kanutshinyi bantu. Kanupampakanyi.

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Yowanane 15:20

Vulukayi mumvua munuambile ne: “Muena mudimu nansha umue kena mua kupita mfumuende.” Bu mmuabu bankengeshe, nebankengeshe kabidi. Pikalabu banyishe dilongesha dianyi, nebanyishe kabidi dienu.

Yuda 1:9

Mikayele, mfumu wa batumibue ba Mvidi Mukulu, kavua muenze nanku to. Pavuaye utandangana ne diabolu, bafuilakana nende tshitalu tshia Moshe, kena mupende diabolu, kena mumupishe. Uvua umuambila amu ne: “Mvidi Mukulu akunyoke!”

1 Timote 4:10

Ke patudi tukuata mudimu, tudibamba, bualu tudi batekemene kudi Mvidi Mukulu udi ne muoyi, udi Musungidi wa bantu bonsu, nangananga wa bena ditaba.

2 Tesalonike 3:8

Muntu kavua mutupe biakudia tshianana. Kadi tuvua bakuate mudimu, bapungile bikole. Tuvua benze mudimu munya ne butuku, bua muntu nansha umue wa kunudi kambudi bujitu buetu.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

1 Korente 9:6

Nanku amu meme ne Barnabase, ke badi ne tshilumbu tshia kukuata mudimu ne bianza, bua kupeta tshiakudia tshietu anyi?

Bienzedi 20:34

Nudi bamanye nuenu bine mumvua mukuate mudimu bua kupeta bionsu bituvua tukengela, meme ne bavua nanyi mu luendu.

1 Petro 4:19

Kadi Mufuki udi ukumbaja bivuaye mulaye. Nanku badi bakenga bilondeshile mudi Mvidi Mukulu musue, bananukile kuenza malu mimpe, batekemene muabu muonsu kudi Mufhki wabu.

Rome 8:35

Udi mua kutupandulula kudi Kristu udi utunanga nnganyi? Makenga, dipampakana, tshinyangu tshia kudi bantu, nzala, bulanda, njiwu, lufu, bidi mua kutupandulula kudiye anyi?

2 Korente 11:8

Pamvua nkuata mudimu kuenu, mvua muanyishe bua bamfute kudi Bisumbu bikuabu bia bena ditaba. Tuambe ne: mvua mubashiye bianza bitupu, bua mmone mua kunuambuluisha nuenu!

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.