1 Korente 3:10 - MUKANDA WA MYIDI MUKULU

¹⁰ Bilondeshile dipa dimvua mupete patupu kudi Mvidi Mukulu, mvua mulongolole bia kuasa nabi nzubu, meme kuibaka kabidi tshitaku. Mpindiewu mukuabu udi ubandisha bimana. Kadi muntu yonsu amanye mushindu udiye ne bua kuibaka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bu mudi ngasa wa Nzambi mumpeshibue bu muibaki udi ne meshi, meme nakajadika bishimikidi bia nsubu, kadi mukuabo udi wasa ha mutu habi. Kadi muntu ne muntu adimuke biandi bu mudiye wasahu.

1 Korente 3:10 交叉引用

1 Korente 3:11

Bualu mbamane kuibaka tshitaku, ke Yezu Kristu. Kabena mua kutshijula, kupingaja tshikuabu.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Rome 15:20

Kadi mvua musue kumanyisha Lumu lua Disanka amu miaba ivuabu kabayi banji kumvua batela Kristu. Tshivua musue kuibaka pa bitaku bivua muntu mukuabu muase.

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Didimanyisha 21:19

Bavua balengeje mabue a tshitaku tshia tshimana tshia tshimenga ne mabue a mushinga mukole a mishindu yonsu: dibue dia kumpala dia tshitaku divua dia yaspise, dibidi dia safire, disatu dia agate, dinayi dia emerode,

1 Korente 9:2

Nansha bakuabu kabayi bitaba ne: ndi mupostolu, kadi buenu nuenu ndi mupostolu. Nanku dijadika dia ne: ndi mupostolu, ke nuenu mene, bualu nudi badisange ne Mfumu.

Matayi 7:24

— Nenku muntu yonsu udi unteleja, wenza bindi ngamba ebi, neafuanangane ne muena lungenyi, uvua muibake nzubu wende pa dibue.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

2 Timote 2:15

Ukuate mudimu bimpe, bua bakuanyishe kudi Mvidi Mukulu, bu muena mudimu udi kayi ne bua kufua bundu bua mudimu wende, bualu udi umanyisha muaku wa Mvidi Mukulu mu bulelela.

Kolose 4:17

Ambilayi Arshipe se: “Enza muebe muonsu bua kukumbaja bimpe mudimu uvuabu bakuimikila, uudi ne bua kuenzela Mfumu.”

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Luke 11:35

Nanku udimuke bua butoke budi munda muebe kabuikadi miidima.

Muambi 12:9

Muambi uvua ulongesha bantu bivuaye mumanye, kayi upungila. Uvua mufunde nsumuinu ya bungi yeye mumane kujadika bulenga buayi.

Yakobe 3:1

Bana hetu, kanujingi kuikala ba bungi ku bulongeshi. Bualu nudi bamanye ne: tuetu balongeshi, nebatulumbuluishe ne disu dikole, bipite mudibu balumbuluisha bakuabu.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

Rome 15:15

Kadi miaba mivule mu mukanda wanyi ewu, mvua munufundile ne dikima, bua kunuvuluija binuvua bamane kulonga. Mvua munufundile nanku, bualu Mvidi Mukulu uvua mumpeshe dipa,

Luke 21:8

Yezu kuandamuna ne: — Nuadimukayi! Muntu kanushimi! Bualu bantu ba bungi nebafike, bangata dina dianyi, badiamba ne: “Ndi Kristu,” bamba kabidi ne: “Diba dikadi dikumbane!” Kanubalondi to.

Zekâya 4:9

“Zerubabele mmubange kuasa tshitaku tshia nzubu wa Mvidi Mukulu; neajikije mudimu wa kuasa nzubu ewu.” Padi malu aa enzeka, nenumanye ne: Maweja-Nangila wa bukole buonsu ke uvua muntume kunudi.

2 Kulondolola 2:12

Nanku, mpindiewu ndi nkutumina Urame-Abi udi mumanye midimu bikole.

Didimanyisha 21:14

Bavua bashikike tshimana tshia tshimenga pa mabue dikumi ne abidi. Bavua bafunde pa mabue apu mena a bapostolu dikumi ne babidi ba Muana wa mukoku.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.

Nsumuinu 9:1

Meji uvua musonge makunji muanda mutekete bua kuasa nawu nzubu wende.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

2 Petro 3:15

Nuvuluke ne: padi Mfumu munulamine lutuulu, mmusue bua nupete mushindu wa kupanda. Ke bivua muanetu musuibue Polu munufundile ne meji mavule avua Mvidi Mukulu mumupe.

Ekesode 36:4

Nanku bena meji bavua benza midimu mishilangane muaba wa tshijila, kuanjibu kulekela midimu, kuyabu

Nsumuinu 12:8

Badi batumbisha muntu wa meji. Kadi badi badiwula muntu mububakane.