1 Korente 15:9 - MUKANDA WA MYIDI MUKULU

⁹ Bulelela, ndi mushadile kudi bapostolu bonsu, tshiena nansha mukumbane bua bambikile mupostolu, bualu mvua mukengeshe Tshisumbu tshia bena ditaba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua meme ndi muntu mutambe kuhuekela munkatshi mua bapostolo, udi tshi ne buimpe bua kumbikilabo mupostolo, bualu bua nakakengesha ekelesia wa Nzambi.

1 Korente 15:9 交叉引用

2 Korente 12:11

Mvua mudileje bu muntu mutatakane. Kadi nuenu nuvua bambidike bua ngenze nanku. Nuenu ke bayua mua kundumbuluila. Bualu nansha meme muntu wa patupu, tshiena mushadile kudi bapostolu benu banudi nuamba ne: mba kalandamusenga abu.

Bienzedi 8:3

Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.

Ngalate 1:23

Bavua anu bamanye bivua bantu bamba ne: “Muntu ewu uvua mutukengeshe kale, ukadi ulongesha ditaba divuaye ukeba kubutula.”

Filipe 3:6

Mvua ne disuminyina dipite, nkengesha Tshisumbu tshia bena ditaba. Padibu batangila muntu udi ulama mikenji bu muntu muimpe, kakuvua muntu uvua mua kundiwula.

Ngalate 1:13

Nudi bamanye mumvua musuminyine kale malu a Mvidi Mukulu adi bena Yuda balongesha, nkengesha ne tshikisu Tshisumbu tshia bena ditaba ba Mvidi Mukulu, nkeba kutshibutula.

2 Korente 11:5

Kadi ndi muele meji ne: tshiena mushadile kudi bapostolu benu ba kalanda musenga banudi nuditemba nabu!

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.