1 Korente 15:4 - MUKANDA WA MYIDI MUKULU

⁴ Mbamujike. Kadi mmubike ku lufu dituku disatu, muvua Mikanda ya tshijila mimane kuamba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ wakajikibua, wakubishibua ku lufu hakahita matuku asatu, bu mudi Mukanda wa Nzambi wamba;

1 Korente 15:4 交叉引用

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Luke 24:26

Kristu kavua ne bua kudianza kukenga nanku, bua kubuela mu butumbi buende anyi?

Luke 9:22

Kubambilaye kabidi ne: — Muana wa muntu neakenge bikole. Bakulu, batuangaji banene, ne balongeshi ba mikenji, nebamubenge, bamushipe. Kadi dituku disatu neabike ku lufu.

Kolose 2:12

Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Bienzedi 1:3

Kunyima kua lufu luende, uvua mumuenekele bapostolu misangu ne misangu, bua kubajadikila ne: ndi ne muoyi. Uvua mudileje kudibu matuku makumi anayi, ubambila malu a pa Bukalenga bua Mvidi Mukulu.

Marke 9:31

Bualu uvua ulongesha balongi bende. Uvua ubambila ne: — Nebafile Muana wa muntu mu bianza bia bantu, bobu nebamushipe. Kunyima kua matuku asatu, neabike ku lufu.

Matayi 20:19

Nebamufile mu bianza bia benyi. Bantu abu nebamuseke, nebamufute mikaba, nebamupopele pa mutshi mutshiamakane. Kadi papita matuku asatu, neabike ku lufu.

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

1 Petro 1:11

Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.

Yowanane 19:38

Pashishe, Yozefe muena mu tshimenga tshia Arimateya kulomba Pilate dianyisha dia kuangata tshitalu tshia Yezu. (Yozefe ewu uvua mulongi wa Yezu, kadi mu musokoku, bualu uvua utshina bamfumu ba bena Yuda.) Ke Pilate kuanyisha dilomba adi. Nanku Yozefe kuya kuangata tshitalu tshia Yezu.

Misambu 16:8

Ndi mvuluka Maweja-Nangila diba dionsu. Tshiena mua kuteketa, bualu udi nanyi