1 Korente 12:12 - MUKANDA WA MYIDI MUKULU

¹² Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua bu mudi mubidi umue, ne udi ne bituha bia bungi, ne bituha bionso bia mu mubidi bidi bia bungi kadi bidi mu mubidi umue; nunku mudi Kilisto kabidi.

1 Korente 12:12 交叉引用

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

1 Korente 12:27

Nuenu bonsu nudi mubidi, wa Kristu. Yonsu wa kunudi udi tshidimba tshiawu.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

1 Korente 10:17

Diampa didi amu dimue epele. Nanku nansha tuetu bikale bavule, tudi tuenza mubidi amu umue, bualu tudi tudisanga bonsu mu diampa dimue adi.

Efeze 5:30

bualu tudi bidimba bia mubidi wende.

Kolose 1:18

Tshisumbu tshia bena ditaba tshidi mubidi, Yeye udi mutu watshi. Kudiye ke kudi muoyi mupiamupia wa mubidi awu utuadija. Bualu Yeye ke Muanabute, wa kumpala muabu babishe ku bafue, bua kuikalaye wa kumpala mu bionsu.

Efeze 5:23

Bualu mulume udi mfumu wa mukajende, mudi Kristu Mfumu wa Tshisumbu tshia bena ditaba. Kristu udi Musungidi wa Tshisumbu etshi, tshidi mubidi wende.

Efeze 4:12

Uvua muenze nanku bua kulongolola bantu ba Mvidi Mukulu, bua bakuatshile Kristu mudimu, bua mubidi wa Kristu utante mu ditaba.

Ngalate 3:16

Kadi Mvidi Mukulu mene mmulaye Abrahame, mulaye kabidi muntu wa ku ndelanganyi yende. Mikanda ya tshijila kayena yamba ne: “mmulaye ndelanganyi yende,” bu idi itela bantu bavule. Idi yambane: “mmulaye muntu wa ku ndelanganyi yebe.” Nanku idi itela amu muntu umue, ke Kristu.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

Efeze 1:23

Tshisumbu tshia bena ditaba, ke mubidi wa Kristu. Kristu, udi munda mua bionsu, udi ukuata kabidi mudimu munda mua Tshisumbu atshi ne bukole buende buonsu.

1 Korente 12:7

Mueyelu wa Tshijila udi umueneka munda mua muntu yonsu, ne dipa didi dilengelela bantu bonsu,

1 Korente 12:20

Kadi bidimba bidi bivule, mubidi udi amu umue.