1 Korente 11:2 - MUKANDA WA MYIDI MUKULU

² Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

Mukanda wa Nzambi Dihungila Dikulukulu ne Dihungila Dihia-dihia 2003

² Meme ndi nutumbisha bualu bua nudi nunvuluka mu malu onso, ne nudi nulamata bilele bu munakanuheshabi.

1 Korente 11:2 交叉引用

2 Tesalonike 2:15

Nanku, bana hetu, ikalayi bantu bashindame. Nuvuluke malongesha atuvua banuambile mukana, nansha atuvua banufundile mu mukanda.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

1 Korente 15:2

Lumu alu ludi kutusungidila panudi nululama mushindu umvua munulongeshelu. Kanuyi benza nanku, nudi babuele mu njila wa ditaba anu patupu.

1 Korente 11:22

Kanuena mua kudila ne kunuina ku mbanza yenu anyi? Nudi nupetula Tshisumbu tshia bena ditaba bua tshinyi? Nudi nuluisha badi bianza bitupu bundu bua tshinyi? Nudi basue nmuambile tshinyi? Bua nnuele kalumbandi anyi? Nansha kakese! Tshiena mua kunuela kalumbandi bua malu a nanku nansha!

1 Korente 11:17

Bua bindi mua kunulongesha mpindiewu, tshiena mua kunuela kalumbandi to. Bualu bisangilu bienu bia ditendelela kabiena binulengelela, kadi bidi binuenzela bibi.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

1 Korente 7:17

Pa kumusha amu bualu bumvua munuambile abu, ndi ngela mukenji ewu mu Bisumbu bionsu bia bena ditaba ne: muntu yonsu asombe bilondeshile dipa divuaye mupete kudi Mvidi Mukulu, kabidi ashale muvuaye diba divua Mvidi Mukulu mumubikile.

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.