1 Korente 10:25 - MUKANDA WA MYIDI MUKULU

²⁵ Nudi mua kudia munudi basue munyinyi onsu udibu basumbisha mu tshisalu, kanuyi nupampakana, kanuyi nudiebeja mu kondu kenu ka munda ne: mmifume penyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Tshintu tshionso tshidibo bahana ku tshisalu, nutshidie, kanukonkanganyi dikonka bualu bua muoyo-mukese;

1 Korente 10:25 交叉引用

1 Korente 8:7

Kadi bantu bonsu kabena bamanye bualu ebu to. Bamue badi bibidile ditendelela mvidie. Nanku too ne ku lelu, padibu badia minyinyi eyi, badi amu bela meji ne: tudi tunemeka mvidie ayi. Ke mudi kondu kabu ka munda kabapisha, padibu badia tshiakudia tshia nanku.

1 Timote 4:4

Bionsu bidi Mvidi Mukulu mufuke, bidi bimpe. Kakuena tshintu tshibi nansha tshimue. Nanku udi mua kudia bionsu, wela Mvidi Mukulu tuasakidila.

Tite 1:15

Bionsu bidi biakane, bua bantu badi ne muoyi muakane. Kadi bua badi banyanguke, kabayi ne ditaba, kakuena tshintu tshimpe nansha tshimue. Bualu meji abu ne muoyi wabu mbinyanguke.

Rome 14:14

Ndi mumanye, mushindike menemene ne: patudi bamane kudisanga ne Mfumu Yezu, kakuena tshintu tshidi tshibi tshiotshi nkayatshi. Kadi amu padi muntu wela meji ne: tshintu etshi ntshibi, nanku tshidi tshibi kudiye.

Rome 13:5

Ke mutudi ne bua kutumikila bamfumu. Katuenji nanku amu bua Mvidi Mukulu alekele kutunyoka nansha. Kadi kondu ketu ka munda kabidi katusake ku dienza dia malu mimpe.

Bienzedi 10:15

Kumvuaye tshiakabidi diyi, dimuandamuna ne: — Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!