1 Korente 10:22 - MUKANDA WA MYIDI MUKULU

²² Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Mukanda wa Nzambi Dihungila Dikulukulu ne Dihungila Dihia-dihia 2003

²² Anyi, tudi tufuisha Mukelenge mukau, anyi? Tudi tumutamba bukole, anyi?

1 Korente 10:22 交叉引用

Dielulula 32:21

Bena Izrayele mbamfikishe munda, bajule tshiiji tshianyi, bualu neatendelele mvidie ya dishima. Nanku meme nembasongakaje ne tshisamba tshia bantu, tshidi katshiyi tshisamba mene. Nenjule tshiiji tshiabu, ne bantu badi kabayi ne lungenyi.

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!

Yezekiyele 22:14

Nenuikale ne bukitu bukumbane, kabidi ne bukole bua kuluangana nanyi, pandi mfika bua kununyoka anyi? Bualu meme Maweja-Nangila nengenze amu tshindi ngamba.

Muambi 6:10

Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Yeshaya 45:9

Muntu udi ukimina kuelangana mpata ne udi mumufuke, mmuena diakabi. Udi amu luesu lua patupu, lufuanangane ne mikuabu yonsu. Diima didi mua kukonka, udi udifumba ne: “Tshiudi wenza ntshinyi?” Luesu ludi mua kuambila mufumbi ne: “Kuena mumanye mudimu webe, anyi?”

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Yoshua 24:19

Ke Yoshuwa kuambila bena Izrayele ne: — Kanuena ne mushindu wa kuenzela Maweja-Nangila mudimu to. Bualu udi Mvidi Mukulu wa tshijila. Mmusue bua ikale nkayende Mvidi Mukulu wenu. Kakunufuila luse bua dimutombokela dienu ne buenzayi buenu.

Dielulula 6:15

Bualu Maweja-Nangila, Mvidi Mukulu wenu, udi munkatshi muenu. Mmusue kuikala amu Mvidi Mukulu nkayende. Kanumufikishi munda to, bualu udi mua kunubutula, kunumusha panu.

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Ekesode 34:14

Nuenu kanuena mua kukukuila mvidie wa tshisamba tshikuabu to. Bualu meme Maweja-Nangila ndi ne mukawu. Bushuwa, ndi Mvidi Mukulu wenu nkayanyi.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

1 Bakalenga 14:22

Bena Yuda kuenza bidi Maweja-Nangila ubenga. Maweja-Nangila uvua ne tshiji, bualu bavua benza malu mapite bubi ku avuabu benza kudi bankambua babu.

Yirmeya 7:19

Ndi nkukonka ne: udibu bapenda mmeme anyi? Nansha kakese! Badi badipenda bobu, badifuisha ne bundu.

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?