1 Bakalenga 8:63 - MUKANDA WA MYIDI MUKULU

⁶³ Bua kubanjija nzubu wa Mvidi Mukulu, Shelomu kulambula milambu ya bobumue: ngombe binunu makumi abidi ne bibidi, mikoku ne mbuji binunu lukama ne makumi abidi.

Mukanda wa Nzambi Dihungila Dikulukulu ne Dihungila Dihia-dihia 2003

⁶³ Solomo wakahia milambu kudi Yehowa ya kuvuisha nʼai bantu ditalala, ngombe binunu makumi abidi ne bibidi ne mikoko binunu lukama ne makumi abidi. Nunku mukelenge ne Bena Isalele bonso bakajidila nsubu wa Yehowa.

1 Bakalenga 8:63 交叉引用

Nehemya 12:27

Bantu bamane kuibakulula tshimana tshia Yerushalayime, kubikilabu bena Levi ba mu ditunga dijima bua kuenzabu tshibilu tshia kujidila tshimana. Bavua bimba misambu ilonda muadi wa ndibu, wa nzenza ne nkombe.

2 Kulondolola 15:11

Dituku dia difika diabu, kulambulabu Maweja-Nangila ngombe nkama muanda mutekete ne mikoku binunu muanda mutekete. Ke bimuna bivuabu banyenga baluishi babu.

Yowanane 10:22

Diba adi, bena mu Yerushalayime bavua benza tshibilu tshia mufikilu wa Dijidila dia nzubu wa Mvidi Mukulu. Tshikondu atshi tshiena tshia mashika.

Mika 6:7

Maweja-Nangila udi ujinga bimpanga bungi kabuyi kubala, nansha mafuta adi apueka, bungi bu misulu idi kayiyi ikama anyi? Tumulambule bana bute betu, bua atujimijile mibi yetu, ne malu mabi atuvua bamuenzele anyi?”

Yezekiyele 45:17

Nanku, yeye ke udi ne mudimu wa kufila milambu ya kuosha, milambu ya bukula, ne milambu ya maluvu a mvinyo, bidibu bafila mu bibilu. Udi wenza nanku nangananga bua tshibilu tshia ngondu mupiamupia, bua matuku a Dikisha, ne bua matuku makuabu adi bena Izrayele basangile. Mukalenga udi ne bua kufila milambu bua kudikobolola, milambu ya bintu bia pa madimi, milambu ya kuosha, ne ya bobumue, bua bakobolole bena Izrayele.”

2 Kulondolola 30:24

bualu mukalenga Izkiya uvua mupeshe bantu ngombe milume tshinunu, ne mikoku binunu muanda mutekete. Bakulu ba mu bukalenga bavua bafila kabidi ngombe milume tshinunu, ne mikoku binunu dikumi. Kabidi batuangaji bavua bamane kumusha mikiya, bavua ba bungi.

2 Kulondolola 7:5

Kulambulabu ngombe binunu makumi abidi ne bibidi, mikoku ne mbuji binunu lukama ne makumi abidi, bua kubanjija nzubu wa Mvidi Mukulu.

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

1 Kulondolola 29:21

Butshia dinda, kulambulabu Maweja-Nangila milambu ya bobumue ne ya kuosha. Kulambulabu Mvidi Mukulu ngombe milume tshinunu, bimpanga tshinunu, ne mikoku tshinunu, pamue ne maluvu a mvinyo, bu mudi meyi a pa milambu. Milambu ya bobumue ivua bungi bukumbane bua bena Izrayele bonsu bavuapu bamone mua kudia.

2 Kulondolola 7:4

Mukalenga Shelomu ne bena Izrayele bonsu kulambula Maweja-Nangila milambu.

Ezela 6:15

Bavua bajikija kuibaka nzubu wa Mvidi Mukulu dituku disatu dia ngondu wa Adare, pavua Daryaveshe, mukalenga munene mumane kulala mu bukalenga bidimu bisambombu.

Yezekiyele 36:38

Mu matuku a bibilu, mu Yerushalayime muvua nyama ya bungi ivuabu balambule. Bavua bafike nayi bisumbu ne bisumbu. Nanku bantu badi ne bua kuasa tshiakabidi mu bimenga bienu bidi bishala makolu mpindiewu, nebikale bungi bua nyama ayi. Nanku, bantu bonsu nebamanye ne: ndi Maweja-Nangila.”

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.