1 Bakalenga 6:31 - MUKANDA WA MYIDI MUKULU

³¹ Bua kuinjila ku tshibambalu tshivua ne mushete wa ndondu, kuenzabu tshiibi tshia mutshi wa olive wa ditu, tshia kunzulula nseke ibidi. Kadi mabaya avua ku tshiibi avua tshia bitanu tshimue tshia tshiibi mu butshiama.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bakenza bibi bia mitshi ya olive ku mbelu kua muaba wa tshijila; biluwa bia ku mbelu biakadi bunene bua tshituha tshitanu tshia tshimanu tshia nsubu.

1 Bakalenga 6:31 交叉引用

Efeze 3:18

Nanku nenumone mua kujingulula, pamue ne bantu bonsu ba Mvidi Mukulu, bule ne butshiama, butumbuke ne bondoke bua dinanga dia Kristu.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Ekesode 12:7

Ku nzubu yonsu kudibu badie munyinyi awu, nebalabe mashi ku dibaya didi kulu kua tshiibi ne ku mabaya adi ku nseke yatshi.

1 Bakalenga 6:23

Pashishe, kusongabu mutshi wa olive wa ditu, kuenzabu mpingu ibidi ya bakerubine bua kuteka mu tshibambalu tshivua ne mushete wa ndondu. Kerubine yonsu uvua metre atanu mu bule. Kerubine wa kumpala, uvua ne mapuapua, mikale metre abidi ne tshitupa mu bule. Nanku, mapuapua ende onsu avua ne metre atanu mu bule. Kerubine muibidi, uvua kabidi ne metre atanu. Uvua anu bunene bumue, mufuanangane ne Kerubine wa kumpala.

1 Bakalenga 6:30

Kabidi bavua balamika tshiamu tshia mapwungi too ne ku mabaya avua panshi pa nzubu wa Mvidi Mukulu mu bibambalu bionsu bibidi.

1 Bakalenga 6:32

Ku bitupa bionsu bibidi bia tshiibi, bavua basongaku bakerubine, malala a mabue, ne bilongu bimane kutayika. Kubilamikabu tshiamu tshia mpawungi.

Yezekiyele 41:23

Bua kubuela muaba wa tshijila, nansha muaba wa tshijila menemene, kuvua tshiibi tshikale ne bitupa bibidi.

2 Kulondolola 4:22

bintu bia kusukula nabi miendu, makopu a kumiamina nawu ne makopu makuabu, mbabula, bionsu bienza ne tshiamu tshia mpawungi menemene, biibi bia nzubu wa Mvidi Mukulu, ne bidi bitangila muaba wa tshijila menemene, ne bidi bitangila ku tshibambalu tshinene, bienza ne tshiamu tshia mpawungi.