1 Bakalenga 20:20 - MUKANDA WA MYIDI MUKULU

²⁰ Muena mvita yonsu wa kudibu, kushipa muluishi uvuabu baluangana nende. Ke bena Siriya kunyema. Bena Izrayele kutuadija kubalondakaja. Benadade kunyema, mubande pa nyama wa kabalu, pamue ne bantu bakuabu bavua babande pa nyama ya tubalu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muntu yonso wakashiha muntu wakadi uluangana nʼandi; Bena Sulia bakanyema, ne Bena Isalele bakabihata. Bene-hadada, mukelenge wa Sulia, wakabanda ha nyima ha kabalu, wakahanduka ne bantu bakuabo bakadi babanda ha tubalu.

1 Bakalenga 20:20 交叉引用

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Misambu 46:6

Mvidi Mukulu udi mu tshimenga etshi. Nanku kabena mua kutshibutula. Butuku kabuyi buanji kutshia, ukadi uvua kutshiambuluisha.

Misambu 33:16

Mukalenga kena upandila mu mvita bua bungi bua basalayi bende. Tshilobu kena utshimuna bua dikanda diende nansha.

2 Bakalenga 19:36

Nanku, Senakeribe, mukalenga wa bena Ashure kutula mitanda, kuya kusomba mu tshimenga tshiende tshia Ninive.

2 Samuele 2:16

Muena mvita yonsu kuela muluishi wende kankose ku nshingu, kumutua muela mu lubadi, kudishindabu pamue bonsu, kufua. Badi babikila muaba wa mu Ngibone awu ne “Budimi bua Mbuebue.”

Lewitiki 26:8

Bena Izrayele batanu nebatshimune baluishi lukama. Bena Izrayele lukama, nebatshimune baluishi binunu dikumi, babashipe bonsu.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Bakalenga 20:19

Kadi, bansongalume ne bena mvita bavua babalonda, bavua bamane kumuka mu tshimenga.

1 Bakalenga 20:21

Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

Yirmeya 41:15

Kadi Ishemayele kunyema ne bantu muanda mukulu, kuyaye kudi bena Amone.

Balombodi 7:23

Kubikilabu bena Izrayele ba mu tshisamba tshia Naftali, tshia Ashere, ne tshia Menashe bonsu, bua balondakaje bena Madiyane.