1 Bakalenga 18:37 - MUKANDA WA MYIDI MUKULU

³⁷ Maweja-Nangila, ungitabe. Ungitabe, bua bantu bamanye ne: wewe Maweja-Nangila ke Mvidi Mukulu mulelela. Nanku, bena Izrayele nebakuitabe kabidi, bu muvuabu bakuitabe kale.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Ungunvuile, Yehowa, ungunvuile bua bantu aba bamanye ne, Wewe, Yehowa, udi Nzambi, ne wewe wakakudimusha mitshima yabo kabidi.

1 Bakalenga 18:37 交叉引用

1 Bakalenga 18:24

Bambi ba Baale nebalombe mvidie wabu, meme nendombe Maweja-Nangila. Nanku, Mvidi Mukulu witaba ku malomba, watemesha kapia, asangane Mvidi Mukulu mulelela kuenza anyi? Bantu bonsu ne: — Enzee.

Luke 11:8

Kadi meme ndi nnujadikila ne: nansha yeye kayi ujuka bua kumupeshawu, bualu mmulunda wende, kadi neajuke bua kumupesha bionsu bidiye ukengela, bualu mulunda wende udi unanukila ne dimulomba, kayi ufua bundu.

2 Kulondolola 14:11

Nanku, Maweja-Nangila kunyemesha bena Kushe, Asa ne bantu bende batangile.

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 32:26

Muluishi awu umo na ne: Yakobe mmumpite bukole, kutuutaye Yakobe ku tshikundukundu, kutshikoyobola.

Genese 32:24

Kusabulaye ne bintu bionsu bivuaye nabi.

1 Bakalenga 18:38

Maweja-Nangila kutuma kapia, kuoshaku mulambu, nkunyi, mabue ne buloba. Kukamishaku mayi onsu avua mu mikidi.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.

2 Samuele 7:26

Nanku newikale ne lumu kashidi. Bantu nebambe ne: “Mvidi Mukulu wa bena Izrayele, ke Maweja-Nangila wa bukole buonsu!” Ujadike ndelanganyi yanyi mu bukalenga.

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

Misambu 109:27

Bua bamanye ne: wewe ke udi muenze, wewe Maweja-Nangila ke udi mungenzele bualu ebu.