1 Bakalenga 13:33 - MUKANDA WA MYIDI MUKULU

³³ Kadi, nansha bobu badimuja mukalenga Yerobowame, kavua mulekele buenzayi to. Uvua anu usungula bantu munkatshi mua bena Izrayele bavua kabayi bena Levi, bua bikale batuangaji miaba ivuabu batendelela mvidie. Muntu yonsu uvua ujinga bua kuikala mutuangaji, bavua anu bamujidila. Nanku uvua ushala mutuangaji mu miaba ivuabu batendelela mvidie.

Mukanda wa Nzambi Dihungila Dikulukulu ne Dihungila Dihia-dihia 2003

³³ Ku nyima kua bualu ebu Yalobama kakalekela bubi buandi; kadi wakasungula bakuidi munkatshi mua bantu bonso ba tshianana, wakabateka mu bitendelelu biakadi ku mikuna. Yeye wakajidila muntu yonso wakadi musue, bua bakuidi bikale mu bitendelelu bia ha mikuna.

1 Bakalenga 13:33 交叉引用

2 Kulondolola 13:9

Nudi bipate batuangaji ba bushiwa ba Maweja-Nangila, ndelanganyi ya Arone, ne bena Levi. Nudi badisunguile batuangaji bu mudibu benza kudi bena matunga makuabu. Bua muntu kupeta mudimu wa butuangaji wa mvidie eyi, idi kayiyi nansha mvidie mene, uvua ufila amu ngombe mulume umue ne mikoku ya bimpanga muanda mutekete.

2 Kulondolola 11:15

Yerobowame nkayende kusungula bantu bua kuikalabu batuangaji miaba ivuabu batendelela mvidie, bakukuila mpingu ya mbuji ya mpumbu ne ya tuana tua ngombe.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Amosa 6:11

Dimukayi, bualu: Maweja-Nangila mmuele diyi, nzubu yonsu neyele mitanta, yupuka, minene, nansha mikese.

Yirmeya 18:4

Pavua luesu luvuaye ufumba kaluyi luimpe, mufumbi uvua wangata buloba bua diima abu, wenzulula nabu luesu lukuabu, muvuaye musue.

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Balombodi 17:12

Mika kubanjija nsongalume awu, bua amuenzele mudimu wa butuangaji. Kumuladikaye ku nzubu kuende.

Dibadika 17:5

Bitata abi bivua bivuluija bena Izrayele ne: muntu udi kayi wa ku ndelanganyi ya Arone, kena mua kuoshila Maweja-Nangila musenga wa kamonya to. Maweja-Nangila ukavua mumane kuambila Moshe bua kumanyisha Arone ne: “Pikala muntu mukuabu muoshile Maweja-Nangila musenga wa kamonya, neapete dinyoka bu dia Kora ne bonsu bavuaye nabu.”

Dibadika 3:10

Neupeshe Arone ne bana bende nkayabu mudimu wa butuangaji. Muntu mukuabu muenze mudimu awu kayi mutuangaji, nebamushipe.

Dibadika 1:51

Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Balombodi 17:5

Kadi muntu ewu Mika uvua ne muaba wa kutendelela ku nzubu kuende. Kuenzejaye lupingu lukuabu, kabidi ne bintu bia kubuka nabi. Pashishe kubanjijaye muanende mukuabu wa balume, bua amuenzele mudimu wa batuangaji.

1 Bakalenga 15:26

Uvua muenze bidi Maweja-Nangila ubenga. Uvua muenze malu anu bu tatuende, uvua ufikisha bena Izrayele ku dienza bibi. Nadabe uvua muenze malu mabi onsu avua tatuende muenze.

2 Bakalenga 10:29

Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

2 Kulondolola 17:4

Kadi, uvua uditatshisha bua kumanya disua dia Maweja-Nangila Mvidi Mukulu wa bankambua bende, ne bua kuitaba mikenji yende. Kabavua benze nanku mu bukalenga bua ku mutu wa ditunga to.

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Nsumuinu 27:22

Nansha bobu batue mupale ne muinshi, mudibu batue ntete mu tshinu, bupale buende kabuakumushila kaba to.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.