1 Bakalenga 12:30 - MUKANDA WA MYIDI MUKULU

³⁰ Nanku, Yerobowame kufikisha bena Izrayele ku dienza bibi. Bantu ba bungi kuya kushindikija lupingu luibidi too ne ku Dane.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bualu ebu buakalua bubi, bualu bua bantu bakaya kutendelela kamue ne kukuabo tô ne ku Dana.

1 Bakalenga 12:30 交叉引用

2 Bakalenga 17:21

Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

1 Bakalenga 13:34

Buenzayi bua Yerobowame abu kutampakana kudi bena nzubu wende bonsu. Ke pavua bena nzubu wa Yerobowame bafue, babutuke bonsu pa buloba.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

Yeshaya 31:7

Nudi bena tshibawu, bualu nudi badifudile mpingu ne tshiamu tshitoke tshia mushinga mukole, nansha ne mpawungi. Kadi dituku dikuabu, yonsu wa kunudi neimanshe mpingu idiye nayi.

1 Bakalenga 16:27

Malu makuabu a Omri, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu adi Omri muenze, baleja kabidi ne bukitu buvuaye nabu.

2 Kulondolola 17:4

Kadi, uvua uditatshisha bua kumanya disua dia Maweja-Nangila Mvidi Mukulu wa bankambua bende, ne bua kuitaba mikenji yende. Kabavua benze nanku mu bukalenga bua ku mutu wa ditunga to.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”