1 Bakalenga 12:26 - MUKANDA WA MYIDI MUKULU

²⁶ Yerobowame kudikonka, wamba ne: “Mushindu udi bulongolodi bua ditunga mpindiewu, bantu ba mu bukalenga buanyi badi mua kupingana kudi bena nzubu wa Davide.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yalobama wakamba mu mutshima wandi ne, Katataka bukelenge nebuhingane kudi ba mu nsubu wa Davidi,

1 Bakalenga 12:26 交叉引用

Yowanane 12:19

Ke Baparushe kuambilangana ne: — Nudi numona ne: kanuakupeta tshipeta tshimpe to. Bantu bonsu bakadi bamulonda!

Luke 7:39

Muparushe uvua mubikile Yezu, umona nanku, kuelaye meji ne: “Bu muntu ewu muambi wa Mvidi Mukulu bulelela, uvua mua kujingulula mukaji ewu, kumanya ne: mmuena malu mabi.”

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”

1 Bakalenga 12:25

Yerobowame kukoleshisha tshimenga tshia Shekeme ne bimana, mu buloba bua mikuna bua Efrayime. Kusombaye mu tshimenga atshi. Pashishe, kumukaye mu Shekeme, bua kuya kukolesha kabidi tshimenga tshia Penuyele ne bimana.

1 Bakalenga 12:27

Bualu padibu baya mu Yerushalayime bua kulambula milambu mu nzubu wa Maweja-Nangila, mioyi yabu idi mua kupingana kudi mukalenga wabu wa kale Robowame, wa bena Yuda. Nanku nebanshipe, bua bashale ku bumfumu bua Robowame.”

1 Bakalenga 15:17

Dituku dikuabu, Basha kuya kuluisha ditunga dia bena Yuda. Kutuadija kuibaka bimana bikole mu musoku wa Rama, bua Asa ne bena Yuda kabendakanyi luseke alu mudibu basue.

2 Bakalenga 13:2

Kadi, Yowakaze uvua muenze malu adi Maweja-Nangila ubenga. Uvua muenze anu buenzayi bu Yerobowame, muana wa Nebate, uvua mufikishe bena Izrayele ku dienza bibi.

Nsumuinu 14:12

Bumue njila udi muntu umona bu mululame, ke udi umufila ku lufu.