Zekâya 9:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Monai mudi diakalengele diandi ne buimpe buandi bihite bunene! Maminu a blé neadiundishe bansongalume bikole, ne nvinyo muhia-muhia neadiundishe mishikankunde.

MUKANDA WA MYIDI MUKULU

¹⁷ Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Zekâya 9:17 交叉引用

Yeshaya 33:17

Mesu ebe neamone Mukelenge mu bulengele buandi, neamone buloba budi bulunguluka tô ne kule.

Musambu wa Solomo 7:9

Mukana muebe muikale bu nvinyo ya mushinga mukole; idi ne nse mu hilakalaka kudi munanga wanyi, idi inyungisha mishiku ya badi balala tulu.

Musambu wa Solomo 5:10

Wanyi munanga udi mutoke ne mpala wandi udi lunkunjilakunjila; yeye udi muneme munkatshi mua bantu binunu dikumi.

Misambu 90:17

Dianyisha dia Mukelenge Nzambi wetu dikale kutudi, utujadikile mudimu wa bianza bietu; e, bulelela, ujadike mudimu wa bianza bietu tshishiki.

Misambu 50:2

Mu muaba wandi wa mu Siona, udi mulengele tshishiki, Nzambi udi utema biandi.

Misambu 45:2

Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Misambu 36:7

Nzambi, ke mudi luse luebe lujalame luikale lua mushinga mukole! Bana ba bantu badi banyemena muinshi mua mundidimbi wa mahuahua ebe.

Misambu 31:19

Ke mudi buimpe buebe bukumbane, buwakubutshila badi bakutshina, buwakuenzela badi banyemena kûdi, buwakubenzela ku mesu kua bukua bantu!

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Rome 5:20

Mikenshi yakabuela kabidi bua bushihi bua mikenshi buvulangane. Kadi hakavulangana bubi, ngasa wakatamba kusangana.

Rome 5:8

Kadi Nzambi wakatamba kulesha luse luandi kutudi mu muanda eu ne, Hatutshivua bantu babi, Kilisto wakatufuka.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowele 3:18

Hashishe, mu dituku adi mikuna minene neyimatshishe nvinyo idi ne kushemakana, mikuna mikese neyihatule mabele, ne tusulu tuonso tua mu Yuda ne bile tente ne mai. Mushimi wa mai neuhatuke mu nsubu wa Yehowa, neutume mai au mu tshibanda tshia Shitima.

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Yirmeya 31:12

Nebalue ku mutu kua Siona, nebimbeku misambu, nebatambe kusanka bua buimpe bua Yehowa kudibo, bua manvua ne nvinyo mihia-mihia, bua manyi, ne bua bana ba munkatshi mua mikoko ne bimuna bikuabo. Mitshima yabo neyikale bu tshibundu tshidibo bamiamina mai; kabena banyingalala kabidi tô ne kashidi.

Yeshaya 63:15

Tangila hanshi ku muaba webe wa mu diulu, ne ku muaba webe wa tshijila ne wa butumbi, umone biebe. Lukunukunu luebe ne bienzedi biebe binene bidi kudi kunyi? Dijinga dia mu mutshima webe ne luse luebe bidi bikandibua kundi.

Yeshaya 63:7

Nenvuluishe bantu bua bienzedi bia luse lujalame lua Yehowa, bua bienzedi bia Yehowa bidi bimutumbisha, bu mudibi bimpe bua malu onso adi Yehowa mutuenzele, ne bua malu andi manene akuenzeleye Bena Isalele, akubahesheye bu mudi luse luandi, ne bu mudi dikumbana dia dinanga diandi dijalame.

Misambu 145:7

Nebatule mei a tshivulukidi tshia buimpe buebe bunene, nebimbe bikole bua buakane buebe.

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Misambu 27:4

Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

Yirmeya 31:14

Yehowa udi wamba ne, Nengukutshishe mitshima ya bakuidi ne manyi, ne bantu banyi nebukute ne buimpe buanyi.

Misambu 144:12

Bana betu ba balume bikale bakole mu bunsongalume buabo bu mitshi yakumana kudiunda. Bana betu ba bakashi bikale bu makunshi a ku matumba a nsubu masonga bu mabue adibo basa nʼau nsubu wa mukelenge