Zekâya 9:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.

MUKANDA WA MYIDI MUKULU

¹⁵ Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Zekâya 9:15 交叉引用

Zekâya 12:6

Mu dituku adi nenvuishe banfumu ba biota bia Bena Yuda bu dilonga dia kahia munkatshi mua nkunyi, ne bu tshimunyi munkatshi mua bisumbu bia blé; neboshe ba mu bisamba bionso bidi bibanyunguluka, ku tshianza tshia balume ne ku tshianza tshia bakashi; kadi ba mu Yelushalema nebashikame mu muaba wabo, mu Yelushalema mene.

Zekâya 10:7

Bena Efelayima nehikale bu bena bukitu; mitshima yabo neyisanke bu mudibo banue nvinyo. Bana babo nebamone muanda eu, nebasanke; mitshima yabo neyikale ne disanka mu Yehowa.

Zekâya 12:8

Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.

Zekâya 10:5

Nebikale bu bena bukitu mu nvita badi badiata badi nʼabo lukuna mu bitahikidi bia misesu; nebaluangane nvita bualu bua Yehowa udi nʼabo, nebafuishe babandi ba ha nyima ha tuhalu bundu.

Ekesode 27:2

Enza bintu bu nsengu ya ngombe ku matumba anai, enza nsengu ne dibaya dimue, lamika tshiamu tshia mitaku ku nseke yonso.

Misambu 78:65

Hashishe Mukelenge wakatabala bu mudi muntu mubike ku tulu, bu mudi muena bukitu udi wela mbila bualu bua nyinyo wakamukuata.

Lewitiki 4:25

Muakuidi nealue munu wandi mu mashi makuabo a mulambu, nealabe ku nsengu ya ku tshioshelu tshia kahia, neahongolole mashi makuabo ku tshitaku tshia tshioshelu tshia kahia.

Lewitiki 4:18

Nealabe mashi ku nsengu ya ku tshioshelu tshidi mu ntenta wa kusangakena ku mesu kua Yehowa, yeye neahongolole mashi onso ku tshitaku tshia tshioshelu tshia kahia tshidi ku mbelu kua ntenta wa kusangakena.

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

1 Korente 1:18

Bualu bua kuamba bua mutshi mutshiamakane kudi bualu buhote kudi bantu batshidi bajimina; kadi kudi bukole bua Nzambi kudi tuetu batshidi basungidibua.

Zekâya 14:20

Mu dituku adi nemuikale mei mafunda ha ndibu ya tubalu ne, BIA TSHIJILA BIA YEHOWA; ne ngesu ya mu nsubu wa Yehowa neyikale ya tshijila bu mudi malonga a milambu adi ku mpala kua tshioshelu.

Zekâya 9:17

Monai mudi diakalengele diandi ne buimpe buandi bihite bunene! Maminu a blé neadiundishe bansongalume bikole, ne nvinyo muhia-muhia neadiundishe mishikankunde.

Mika 5:8

Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Yeshaya 55:1

Telejai! Nuenu bonso badi ne nyota, nulue bienu ku mai; nansha kanuyi ne argent, nulue bienu, nusumbe bienu, nudie bienu! Eyo, nulue bienu, nusumbe nvinyo ne mabele kanuyi ne argent, kanuyi ne mushinga.

Yeshaya 37:35

Bualu bua nenduile bena musoko eu nvita bua kubasungila, bua bualu buanyi ne bua bualu bua muntu wanyi Davidi.

Musambu wa Solomo 7:9

Mukana muebe muikale bu nvinyo ya mushinga mukole; idi ne nse mu hilakalaka kudi munanga wanyi, idi inyungisha mishiku ya badi balala tulu.

Musambu wa Solomo 5:1

Muanʼetu mukashi, mukashi wanyi mubangile, nakabuela mu tshibunda tshianyi. Nakasangisha myrrhe wanyi ne bintu bia muhuya muimpe; nakadia buitshi buanyi busangishe ne dikatshi; nakanua nvinyo yanyi misangisha ne mabele. Balunda banyi, diai, nuai bienu; bananga banyi, nuai bintu bia bungi.

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

1 Samuele 17:45

Hashishe Davidi wakambila Muena Peleshete ne, Wewe udi ulua kundi ne muele wa nvita ne difuma ne difuma dia kabenda, kadi meme ndualua kudi mu dina dia Yehowa, Nzambi wa bena nvita ba Bena Isalele uwakafunyina bulobo ku mpala kuandi.

Lewitiki 4:7

Muakuidi nealabe mashi ku nsengu ya ku tshioshelu tshia musenga wa manananshi tshidi mu ntenta wa kusangakena ku mesu kua Yehowa, neahongolole mashi onso a muana wa ngombe ku tshitaka tshia tshioshelu tshia kahia tshidi ku mbelu kua ntenta wa kusangakena.

Yobe 41:28

Mukete kawena mumanye mua kumuihata. Yeye udi wandamuna mabue a bieledi alue bu bihatu kudiye.

Zekâya 14:3

Mu diba adi Yehowa nealuhuke, nealuangane ne ba mu bisamba abi, bu muakaluanganeye mu dituku dia nvita.

Zekâya 2:9

Monai, nenkume tshianza tshianyi ha mutu habo, ne bobo nebikale bintu bia kuhaulabo kudi bakadi babakuatshila mudimu; nenumanye ne Yehowa wa misumba wakuntuma.