Zekâya 8:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Edi ndî didi Yehowa wa misumba wamba ne, Kujila kua bia kudia kua mu ngondo muinai, kua mu ngondo muitanu, kua mu ngondo wa muanda mutekete ne kua mu ngondo wa dikumi, nekuikale bu masanka ne musangelu, ne bu bikondo bia bia kudia bia disanka kudi Bena Yuda. Nunku suai bushuwa ne ditalala.

MUKANDA WA MYIDI MUKULU

¹⁹ — Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Zekâya 8:19 交叉引用

Yirmeya 39:2

Mu tshidimu tshia dikumi ne tshimue tshia bukokeshi bua Sedekiya, mu ngondo muinai, ne mu dituku dia tshitema dia mu ngondo eu, bakashimbula tshituha tshia lumbu lua musoko.

Zekâya 8:16

Nudi ne bua kuenza malu â. Ambilanganai mei a bushuwa, buonso buenu, muntu ne muntu ne muena mutumba nʼandi; kosai bilumbu mu bilumbuluidi bidi ku bibuelelu bia musoko ne kulumbulula kua bushuwa ne kua ditalala.

Zekâya 7:5

Akula ne bantu bonso ba mu buloba ebu, ne bakuidi kabidi, ubambile ne, Hanuakajila bia kudia ne hanuakasa muadi mu ngondo muitanu ne mu ngondo wa muanda mutekete mu bidimu ebi makumi muanda mutekete, nuakajila bia kudia bua bualu buanyi mene, anyi?

Zekâya 7:3

bua kukonka bakuidi ba mu nsubu wa Yehowa wa misumba ne baprofete bandi ne, Ndi mua kuasa madilu ne kujila bia kudia mu ngondo muitanu bu munakumana kuenza bidimu ebi bia bungi, anyi?

Yirmeya 52:4

Mu tshidimu tshia tshitema tshia bukokeshi buandi, mu ngondo wa dikumi, mu dituku dia dikumi dia ngondo, Nebukadenesâ, mukelenge wa Babulona, ne masalayi andi onso, wakalua kuluangana ne Bena Yelushalema; bakasaku bitudilu biabo, ne bakasa lumbu lua kuba tshintshimika nseke yonso ne bielelu bia nvita.

2 Bakalenga 25:25

Kadi mu ngondo wa muanda mutekete Yishemaele, muana wa Netanya, muana wa Elishama wa mu tshiota tshia mukelenge, wakalua ne bantu dikumi bakadi nʼandi, bakakuma Gedaliya, bakamushiha ne Bena Yuda ne Bena Kasada bakadi nʼandi ku Misepa.

Misambu 30:11

Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Estere 9:22

bu matuku akaheta Bena Yuda dikisha kudi bena lukuna babo ne bu ngondo wakakudimunabo kanyinganyinga kalua bu disanka, ne muadi ulua bu dituku dilengele; bajidile matuku â bu matuku a kudiabo bidia bia disanka ne musangelu ne bua kuhanganabo bintu ne bua kuhabo bahele bintu.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.

Yeshaya 51:11

Ka bantu bakuhikudibue kudi Yehowa nebalukilemu, nebalue ku Siona bimba misambu, disanka dia tshiendelele nedikale ha mitu yabo; nebikale ne disankidila ne disanka; kanyinganyinga ne kuhumuna nebinyeme kule.

Estere 8:17

Mu nseke yonso ne mu misoko yonso yakafika mikanda ya mukenji, Bena Yuda bakadi ne musangelu ne disanka, bakalongolola bia kudia bia disanka, bakadi ne dituku dimpe. Bantu bakuabo ba bungi ba mu buloba bakandamuka bu Bena Yuda; bualu bua ditshina dia Bena Yuda diakabakuata.

Yirmeya 36:6

Nunku ya biebe, ubale mei onso a Yehowa awakafunda, akahatuka mukana muanyi mu matshu a bantu bonso badi mu nsubu wa Yehowa mu dituku didibo bajila bia kudia; wabale kabidi mu matshu a ba mu Yuda bonso badi bafuma mu misoko yabo.

Zekâya 8:3

Yehowa udi wamba ne, Nempingane ku Siona, nenshikame munkatshi mua Yelushalema; nebabikile Yelushalema ne, Musoko wa kungeyemena; nebabikile mukuna wa Yehowa wa misumba ne, Mukuna wa tshijila.

Zekâya 8:18

Dî dia Yehowa wa misumba diakalua kundi kabidi ne,

2 Bakalenga 25:1

Mu tshidimu tshia tshitema tshia bukokeshi buandi ne mu ngondo wa dikumi ne difuku dia dikumi dia mu ngondo eu, Nebuka-denesâ, mukelenge wa Babulona, wakalua ne masalayi andi onso ku Yelushalema, bakatshintshimika musoko; bakanyunguluka musoko ne mishiki ya buloba.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Yezekiyele 18:8

bikaleye kayi musombeshe mukuabo bintu bua kuheta kasombelu ka ha mutu, kayi mudiangatshile makasa; biumusheye tshianza tshiandi ku malu mabi, biakoseye bilumbu bia hankatshi ha muntu ne muntu anu ne kulumbulula kuakane,

Yezekiyele 24:1

Mu tshidimu tshia tshitema, mu ngondo wa dikumi, ne mu dituku dia dikumi dia ngondo, dî dia Yehowa diakalua kundi ne,