Zekâya 14:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Tshibanda tshia Hinoma netshikale tshijibikila tô ne ku Azele. E, nenunyeme bu munuakanyema ku mpala kua kutaka kua buloba mu matuku a Uziya, mukelenge wa Yuda. Yehowa Nzambi nealue, banjelo bandi ba tshijila nebalue nʼandi.

MUKANDA WA MYIDI MUKULU

⁵ Nenunyemene mu tshibandabanda etshi, tshidi tshienzeka pankatshi pa mikuna, bualu netshialabale too ne ku Ashale. Nenunyeme muvua bankambua benu banyeme, pavua tshikumina tshienzeka, tshikondu tshivua Uziya mukalenga wa ditunga dia Yuda. Nanku Maweja-Nangila Mvidi Mukulu wanyi neafike, ne batumibue bende badi bamukuatshila mudimu.

Zekâya 14:5 交叉引用

Amosa 1:1

Au mmei a Amosa, wakadi munkatshi mua balami ba mikoko ba ku Tekoa, akunvueye bualu bua Bena Isalele, mu matuku a Uziya, mukelenge wa Yuda, ne mu matuku a Yalobama, muana wa Yoasha, mukelenge wa Isalele, bidimu bibidi ku mpala kua kutaka kua buloba.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

1 Tesalonike 3:13

bua yeye ajadike mitshima yenu kayi ne bualu mu malu a tshijila ku mpala kua Nzambi udi kabidi Tatu wetu, ku dilua dia Mukelenge wetu Yesu Kilisto ne basanto bandi bonso.

Yeshaya 29:6

Yehowa wa misumba nealue kûdi ne mikungulu, kukanka kua buloba, diyoyo dinene, nvunde ne tshihuhu, ne ludimi lua kadilu kadi kayi ngutula bintu bionso.

Didimanyisha 20:4

Nakatangila nkuasa ya butumbi, ne bakashikamahu, ne bakabaha bukole bua kulumbuluisha; ne nakatangila mioyo ya bakoshibua mitu bualu bua bumanyishi buabo bua Yesu, ne bualu bua dî dia Nzambi, ne bobo bakadi kabai bakukuna nyama wa luonji, anyi tshifuanyikishi tshiandi, ne hakadi kabai bangata tshimanymu ha mpala habo ne ha tshianza tshiabo; bobo bakikala ne muoyo, ne bakakokesha ne Kilisto bidimu tshinunu.

Didimanyisha 11:13

Mu diba adi dikanka dinene dia buloba diakadiku, ne tshituha tshia dikumi tshia musoko tshiakûhuka; ne bantu binunu muanda mutekete bakafua mu dikanka dia buloba; bakuabo bonso bakadi bashale bakatshinyishibua, bakatumbisha Nzambi wa mu diulu.

2 Tesalonike 2:8

Hashishe muntu wa buhidia neabuluibue, udi Mukelenge Yesu ulua kushiha ne muhuya wa mukana muandi, neamuvuishe bu tshintu tshia tshianana ku dimueneka dia kulua kuandi.

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.

Dielulula 33:2

Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.

Yakobe 5:8

Nuikale ne lutulu kabidi, nujadike mitshima yenu, bualu bua dimueneka dia Mukelenge diakulua ha buihi.

Luke 21:27

Hashishe nebamone Muana wa muntu ulua mu ditutu ne bukole ne butumbi bunene.

Matayi 24:3

Hakadiye ushikama ku mukuna wa Oleve, bayidi bakalua kudiye nkayabo, bakamukonka ne, Utuambile dituku dialua malu â; utuambile tshimanyinu tshia hawalua tshiakabidi; ne tshia kunshikidilu kua tshikondo etshi.

Misambu 98:9

ku mpala kua Yehowa; bualu bua udi ulua kulumbuluisheye ba ha buloba. Nealumbuluishe ba ha buloba ne buakane, nealumbuluishe bantu ne kulumbulula kuakane.

Dibadika 16:34

Bena Isalele bonso bakadi ha buihi habo bakanyema hakunvuabo muadi wabo, bobo bakamba ne, Buloba kabutuminyi.

Yowele 3:11

Ambulusbai ne luai bienu, nuenu bisamba bionso bia bantu bidi bitunyunguluka, nudikunguishe hohamue. Yehowa, tuma bena hukitu bebe mu tshibanda.

Zekâya 4:7

Wewe, mukuna eu munene, udi tshinyi? Ku mpala kua Zelubabela nebakulandakashe bu mpata. Yeye neahatule dibue dia ku musonga wa nsubu helabo mbila ne, Diakalengele, diakalengele dikale kudidi.

Mika 1:11

Hita biebe, muana mukashi udi mushikame butaka, udi mufuishibue bundu mu musoko wa Shafila. Muana mukashi wa mu musoko wa Sânana kena muanji kuluhukamu. Muadi wa Bete-esele neunuhumbishe bua kuimana hehi nʼandi.