Yowanane 8:32 - Mukanda wa Nzambi Dihungila Dikulukulu ne Dihungila Dihia-dihia 2003

³² nenumanye kabidi bualu bulelela, ne bualu bulelela nebunuhe budishikaminyi.

MUKANDA WA MYIDI MUKULU

³² Nanku nenumanye bulelela. Bulelela nebunuenze bantu badikadile.

Yowanane 8:32 交叉引用

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Yowanane 8:36

Bianuha Muana budishikaminyi, nenuikale badishikamine bulelela.

Yowanane 17:17

Ubajidile mu bulelela: dî diebe mbulelela.

1 Petro 2:16

bu badishikamine, kadi kembu badi bangata budishikaminyi buabo bu tshibuikilu tshia malu mabi; kadi mikale bu bahika ba Nzambi.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Rome 6:22

Kadi katataka hanuakahikudibua ku bubi, ne hanuakavuishibua bahika ba Nzambi, nudi ne mamuma enu a ku dijidila dienu, kunshikidilu kua malu au mmuoyo wa tshiendelele.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Misambu 25:5

Undombele biebe mu bulelela buebe, unyishe; bualu bua wewe udi Nzambi wa luhandu luanyi; ndi nkuindila wewe dinda tô ne ku dilolo.

Yakobe 1:25

Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.

Ngalate 5:1

Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

Yakobe 2:12

Nuikale nuambe ne nuikale nuenze bu bantu badi bamba kulumbuluishibua kudi mukenshi wa budishikaminyi.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Yirmeya 6:16

Yehowa udi wamba ne, Imanai mu nshila, numone, nukonke bua nshila ya diambedi, kudi nshila muimpe, nuendelemu, nenuhete dikisha mu mitshima yenu. Kadi bobo bakamba ne, Katuena tuendelamu.

Yowanane 7:17

Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

Yowanane 16:13

Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.

Yeshaya 30:21

Hawakeba kusesuka ku tshianza tshia balume, anyi ku tshianza tshia bakashi, matshu ebe neunvue dî difume ku nyima kuebe, diamba ne, Nshila kayeu, endelamu.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Nsumuinu 1:23

Andamukai bua kunvua kubela kuanyi. Monai! Nennuitshikishile nyuma wanyi hamʼbidi henu, nennumanyishe mei anyi.

2 Timote 3:7

badi bayilayila misangu yonso, kadi tshiendelele kabena bamanye mua kufika ku dimanya dia bualu bulelela.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Misambu 119:45

Nengendakane mu budishikaminyi, bualu bua nakakeba kuenza malu a wakungambila.

Nsumuinu 4:18

Kadi nshila wa bantu bakane udi bu diba dia kabundubundu, didi ditema ne dikenkakenka tô ne hakumbana diba dia munda munya.

Nsumuinu 1:29

Bualu bua bakakula lungenyi, kabakasungula ditshina dia Yehowa.

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Matayi 11:29

Angatai mutshi wanyi wa tshikokedi ha nshingu yenu, nuyile malu kundi; bualu bua meme ndi ne kalolo ne kanemu mu mutshima wanyi; nunku nenusangane dikisha mu mitshima yenu.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

1 Korente 7:22

Bualu bua muntu mubikidibue mu Mukelenge hakadiye muhika udi muena budishikaminyi wa Mukelenge; nunku muntu mubikidibue hakadiye muena budishikaminyi udi muhika wa Kilisto.

2 Yone 1:1

Meme mukulu, udi mufundile mukashi musungula kudi Nzambi ne bana bandi bandi nanga mu bushua; ne kememe nkayanyi udi munanga, kadi mbonso kabidi badi bamanye bualu bulelela;

Lewitiki 25:41

hashishe yeye neumuke kudi ne yeye ne bana bandi badi nʼandi, nebahingane kudi bana babo ne ku buhianyi bua batatu bandi.