Yowanane 5:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bena Yuda bakambila wakondahibua ne, Lelu ndituku dia Lumingu, kutuala bulalu buebe kudi kushiha mukenshi.

MUKANDA WA MYIDI MUKULU

¹⁰ bamfumu ba bena Yuda kuambila muntu uvuabu bajikija disama diende ne: — Dituku edi ndia Dikisha. Mikenji yetu kayena mianyishe bua wewe kuambula tshiata tshiebe to.

Yowanane 5:10 交叉引用

Yowanane 9:16

Bafalese bakuabo bakamba ne, Muntu eu kena mufume kudi Nzambi, bualu bua yeye katu wajila dituku dia Lumingu. Kadi bakuabo bakakonka ne, Muntu udi mubi udi mumanye mua kuenza bimanyinu ebi munyi? Nunku bakatahuluka munkatshi muabo.

Luke 6:2

Kadi Bafalese bakuabo bakabakonka ne, Nuenu nudi nuenzela bualu budi bujila dituku dia Lumingu tshinyi?

Yirmeya 17:21

Yehowa udi wamba ne, Binuasua kusungila mioyo yenu, kanutuadi bujitu dituku dia Lumingu, kanulu nʼabu ku bibi bia ku Yelushalema.

Luke 13:14

Mukelenge wa nsunagoga wakadi ne tshishi bualu bua Yesu wakondaha muntu dituku dia Lumingu, wakambila bantu ne, Matuku asambombo adiku adibo ne bua kukuata mudimu wabo; mu matuku au nulue bua kuondahibua, kanulu dituku dia Lumingu.

Marke 3:4

Yeye wakabakonka ne, Tshidi tshimpe ntshinyi, kuenza malu mimpe dituku dia Lumingu, anyi kuenza malu mabi; kusungila muoyo anyi kûshiha? Bobo bakahua.

Marke 2:24

Bafalese bakamukonka ne, Tangila, bayidi bebe badi benzela bualu budi bujila dituku dia Lumingu tshinyi?

Yowanane 5:16

Bua bualu ebu Bena Yuda bakatatshisha Yesu, bua yeye wakenza malu â dituku dia Lumingu.

Yowanane 7:23

Biatengulabo muntu dituku dia Lumingu, bua kabashihi mukenshi wa Mose; nudi nʼanyi lukuna, bua nakahingisha bukole mu mubidi wa muntu wonso mujima difuku dia Lumingu, anyi?

Luke 23:56

Bakahingana, bakalongolola bintu bia muhuya muimpe ne manyi a mananashi. Dituku dia Lumingu lua Bayuda bakikisha bu mudi mukenshi wa Nzambi.

Yirmeya 17:27

Kadi binuahidia kungunvuila mu muanda eu wa kujidila dituku dia Lumingu, kanuyi badikande bua kutuala bujitu anyi kubuela nʼabu ku bibi bia ku Yelushalema dituku dia Lumingu, ka nentemeshe kahia ku bibi ebi, ne koko nekoshe nsubu ya banfumu ya mu Yelushalema, ne kakena kajima nansha.

Yeshaya 58:13

Biwalukisha dikasa diebe bua kadinyangi dituku dia Lumingu, bua wewe kuenji malu adi mutshima webe musue kuenza mu dituku dianyi dia tshijila; biwabikila dituku dia Lumingu ne, Dituku dia disanka, ne dituku dia tshijila dia Yehowa ne, Dituku dia butumbi; biwatumbisha dituku edi, kuyi ulonda nshila yebe, kuyi ukeba malu adi mutshima webe musue, kuyi wamba mei a hatuhu;

Matayi 12:10

monai, muntu wakadi ne tshianza tshiume. Bakakonka Yesu ne, Kuondaha bantu dituku dia Lumingu kudi kushiha mukenshi, anyi? Bakasua kumubanda.

Yowanane 1:19

Edi ndî dia Yone hakatuma Bena Yuda ba mu Yelushalema bakuidi ba Nzambi ne Bena Lewi kudiye bua kumuebesha ne, Wewe nganyi?

Yowanane 5:11

Kadi yeye wakabandamuna ne, Wakungondaha wakungambila ne, Ambula bulalu buebe, endaku.

Yowanane 5:15

Muntu au wakumuka, wakambila Bena Yuda ne, Wakankolesha udi Yesu.