Yowanane 3:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Tatu udi musue Muana wandi, wakafila bintu bionso mu bianza biandi.

MUKANDA WA MYIDI MUKULU

³⁵ Tatu mmunange Muana; mmuteke bionsu ku bumfumu buende.

Yowanane 3:35 交叉引用

Matayi 28:18

Yesu wakalua kudibo, wakabambila ne, Bakumana kumpa bukokeshi buonso mu diulu ne ha buloba.

Yowanane 5:22

Tatu kena ulumbuluisha muntu, kadi yeye wakuha Muana bulumbuluishi buonso,

Yowanane 5:20

Bualu bua Tatu udi musue Muana, udi umulesha malu onso atshidiye wenza; yeye neamuleshe malu a kukema matambe â, bua nuenu kukema.

Luke 10:22

Tatu wanyi wakufila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Yowanane 17:2

bu muwakumuha bukole bua kukokesha bantu bonso bua kuheye bonso bawakumuha muoyo wa tshiendelele.

Matayi 11:27

Tatu wanyi wakafila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Efeze 1:22

Wakavuisha bintu bionso munshi mua makasa andi, wakamuha bua kuikaleye mutu wa malu onso a mu ekelesia,

Yowanane 13:3

hakamanya Yesu ne, Tatu wanyi wakufila bintu bionso mu bianza bianyi, nakufuma kudi Nzambi, nempingane kudi Nzambi;

1 Petro 3:22

udi ku tshianza tshia bukole tshia Nzambi, mumane kubuela mu diulu; banjelo ne makokeshi ne makole biakavuishibua ku nyima kuandi.

1 Korente 15:27

Bualu bua yeye wakateka bintu bionso munshi mua makasa andi. Kadi hambeye ne, Bintu bionso biakukokeshibua munshi muandi, tudi bamanye ne, Yeye kena wamba bua Tatu wakamulekela bintu bionso munshi muandi.

Misambu 2:8

Ulombe, nenkuhe bantu ba bisamba bia bende bu buhianyi buebe, ne ba kunfudilu kua buloba bu bantu bebe.

Ebrewu 1:2

kunshikidilu kua matuku â wakatuambila bietu dî kudi Muana wakatekeye muhianyi wa bintu bionso, wakafukeye nʼandi buloba kabidi.

Yowanane 17:26

nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Yowanane 17:23

meme munda muabo, wewe munda muanyi bua bobo kuikala bamue bulelela; bua ba ha buloba bamanye ne, Wewe wakantuma; wewe udi mubasue bu mûdi munsue meme.

Yowanane 15:9

Nakunusua bu muakunsua Tatu, Shalai mu dinanga dianyi.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Nsumuinu 8:30

ha diba adi nakadi hehi nʼandi bu muena mudimu wandi. Nakadi ne disanka ku dituku ku dituku, nakadi nnaya ku mpala kuandi matuku onso.

Genese 41:55

Hakamueneka nzala mu buloba bua Ejipitu, bantu bakadidila Palô ne, Utuhe bia kudia Palo wakambila Bena Ejipitu bonso ne, Yai bienu kudi Yosefe, nuenze malu adiye wamba.

Genese 41:44

Palo wakambila Yosefe ne, Meme ndi Palo, ne biwikala kuyi muambe di diebe, muntu kena mua kubisha tshianza tshiandi anyi dikasa diandi mu buloba bua Ejipitu buonso.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.