Yowanane 21:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Petelo wakatshinguluka, wakamona muyidi wakadi Yesu munange, ulonda, nguakadi mumueyemene tshianyima mu tshiadi hakadibo badia bidia butuku, nguakamukonka ne, Wakutungila tshitungu nganyi?

MUKANDA WA MYIDI MUKULU

²⁰ Petro ukudimuka, kumonaye mulongi uvua Yezu munange, ubalonda. (Yeye awu ke uvua mueyemene Yezu pavuabu badia, kabidi uvua mumukonke ne: “Mfumu wakutungidi tshitungu nnganyi?”)

Yowanane 21:20 交叉引用

Yowanane 21:7

Muyidi, wakadi Yesu musue, wakambila Petelo ne, Mukelenge. Hakunvua Petelo ne, Mukelenge, wakadijingila tshivualu tshiandi bua wakadi mutshivule, wakadiela mu mai.

Yowanane 20:2

Wakanyema lubilu, wakaya kudi Simona Petelo ne kudi muyidi mukuabo wakadi musuibue kudi Yesu, wakabambila ne, Bakumusha Mukelenge mu lukita, katuena bamanye kuakumuladikabo.

Yowanane 21:24

Muyidi eu mene wakamba malu â, wakâfunda; tudi bamanye ne, Dî diandi ndilelela.

Matayi 26:46

Bikai, tuye; tangilai, muntungidi udiku.

Yowanane 21:21

Hakamumona Petelo nunku, yeye wakakonka Yesu ne, Mukelenge, ahu muntu eu nenze tshinyi?