Yowanane 20:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bayidi bakuabo bakamuambila ne, Tuakumona Mukelenge. Kadi yeye wakabambila ne, Bingikala tshi ntangila bibangu bia milonda bidi mu bianza biandi, tshî mbuesha munu mu bibangu bia milonda, tshî mbuesha tshianza mu lubadi, tshiena ngitabusha.

MUKANDA WA MYIDI MUKULU

²⁵ Balongi bakuabu kumuambila ne: — Tuvua bamone Mfumu. Kadi Tomase kubandamuna ne: — Pandi tshiyi mumone bibangu bia misumadi mu bianza biende, tshiyi mulenge ne minu muaba uvua misumadi, tshiyi mubueje tshianza tshianyi mu lubadi luende, tshiena mua kuitaba to.

Yowanane 20:25 交叉引用

Yowanane 6:30

Bakamukonka ne, Udi wenza tshimanyinu kai bua tuetu tumone, tuitabushe dî diebe? Tshiudi wenza ntshinyi?

Marke 16:11

Hakunvuabo ne, Yeye udi ne muoyo, wakumueneka kudi Malia, kabakitabusha.

Ebrewu 3:18

Ne yeye wakaditshiha kudi banganyi ne, Kanuena nubuela mu dikisha dianyi, anu kudi bantu aba bakadi ne buhidia, nasha?

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

Yowanane 21:7

Muyidi, wakadi Yesu musue, wakambila Petelo ne, Mukelenge. Hakunvua Petelo ne, Mukelenge, wakadijingila tshivualu tshiandi bua wakadi mutshivule, wakadiela mu mai.

Yowanane 1:41

Yeye wakasangana muanʼabo Simona diambedi, wakamuambila ne, Tuakumona Mashiya (kukudimuna kua muaku ne, Kilisto).

Luke 24:25

Yesu wakabambila ne, Nuenu bantu kabai ne lungenyi, nudi nunenga ha kuitabusha mei onso akamba baprofete!

Matayi 27:42

Yeye wakadi usungila bakuabo, kena mumanye mua kudisungila. Yeye udi Mukelenge wa Isalele; atuluke biandi ku mutshi mutshiamakane, netumuitabushe.

Misambu 78:32

Nansha malu â onso mikanku, bakananukila kuenza bibi, kabakitabusha malu a kukema akenzeye.

Yobe 9:16

Bu meme mumubikile ne bu yeye muitabe kundi, tshiakadi kuitabusha ne, Yeye udi mua kunvua dî dianyi.

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Marke 16:13

Bobo bakaya, bakambila bakuabo bualu ebu; kudi kabakitabusha dî diabo.

Marke 16:14

Hashishe yeye wakamueneka kudi bayidi dikumi ne umue ha nkayabo, hakadibo bashikame badia bidia; yeye wakababela bualu bua buhidia buabo ne bukole bua mitshima yabo, bua bobo bakahidia kuitabusha dî dia bakamumona, hakabikeye ku lufu.

Yowanane 20:27

Yeye wakambila Toma ne, Tuma munu webe kunoko, umone bianza bianyi; tuma tshianza tshiebe, utshibueshe mu lubadi luanyi; kuikadi ne mpata, witabushe.