Yowanane 19:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Kadi dinga disalayi diakamutua difuma mu lubadi, mashi ne mai biakahatuka.

MUKANDA WA MYIDI MUKULU

³⁴ Kadi umue wa ku basolayi kumutua difuma diende mu lubadi. Mashi ne mayi kupatukamu diakamue.

Yowanane 19:34 交叉引用

1 Yone 5:6

Nyeyʼeu wakalua ne mai ne mashi, Yesu Kilisto mene; kene mai nkayau, kadi ne mai ne mashi.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

1 Yone 5:8

Basatu badiku badi bamanyisha, Nyuma ne mai ne mashi: basatu aba badi bamanyisha bualu bumue.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

Efeze 5:26

bua yeye amujidile, mumane kumulengesha ne kuvua kua mai ne dî diandi;

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

1 Petro 3:21

mai â kabidi adi tshifuanyikishi tshia adi atusungila katataka, nkubatiza mene, kembua diuvua dia manyanu a mubidi, kadi bua dikeba dia muoyo-mukese muimpe kudi Nzambi, bua dibika dia Yesu Kilisto ku lufu;

Ebrewu 9:22

Ndi mua kuamba ne, Bintu bionso bidi bilengeshibua ne mashi, bu mudi mikenshi yamba, anu bikese bishala, ne bikalaku kakui kumatshisha kua mashi hanshi, kakuena kubuikidila kua mibi nasha.

Ebrewu 9:13

Bua bikala mashi a mbushi ne a balume ba ngombe, ne butue bua muana wa ngombe mukashi bumiamina ha bantu bakunyanguka, bibajidile tô ne ku dilengesha dia mubidi wa ha buloba,

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

1 Korente 6:11

Bakuabo benu bakadi nunku; kadi nuakuvuibua, nuakajidibua, nuakabingishibua mu dina dia Mukelenge Yesu Kilisto, ne mu Nyuma wa Nzambi wetu.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

Matayi 27:62

Hakatshiabu, dituku dia ku mpala kua Dilongolola, bakuidi banene ba Nzambi ne Bafalese bakadisangisha kudi Pilato,

Misambu 51:7

Untokeshe ne hysope, nengikale mutoke; unguvuwe, nempite neige butoke tô.

Bienzedi 22:16

Udi ushangulukila katataka tshinyi? Bika ubatijibua, uvuibue ku mibi yebe, Ubikila dina diandi.

Yowanane 19:33

kadi hakalau kudi Yesu, akamusangana mumane kufua, kâkatshibula bibelu biandi.

Yowanane 20:20

Hakambeye dî edi, wakabalesha bianza biandi ne lubadi luandi. Mitshima ya bayidi yakasanka, hakatangilabo Mukelenge.