Yowanane 18:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Yesu wakamukudimuna ne, Bukelenge buanyi kabuena bua ha buloba ebu; bu bukelenge buanyi buikale bua ha buloba ebu, bantu banyi bakadi kuluangana, tshifidibu mu bianza bia Bena Yuda; kadi katataka bukelenge buanyi kabuena bua kunoko.

MUKANDA WA MYIDI MUKULU

³⁶ Yezu kuandamuna ne: — Bukalenga buanyi ki mbua pa buloba to. Bu bukalenga buanyi buikale bua pa buloba, bantu banyi bavua mua kuluangana myita bua kabamfidi mu bianza bia bamfumu ba bena Yuda. Kadi bukalenga buanyi ki mbua pa buloba to.

Yowanane 18:36 交叉引用

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Yowanane 6:15

Hakamanya Yesu ne, Badi bamba kunkuata ku bukole bua kumbuesha mu bukelenge, wakaya ku mukuna kabidi, yeye nkayandi.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

1 Timote 6:13

Ndi nkuambila bikole ku mesu kua Nzambi udi uhesha bintu bionso muoyo, ne kua Kilisto Yesu wakajukula bualu buandi bimpe ku mesu kua Pontio Pilato;

Matayi 26:53

Udi welangana meshi ne, Meme tshiena mumanye mua kulomba Tatu wanyi, yeye ampe banjelo batambe binunu makumi muanda mutekete ne bibidi, anyi?

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Luke 12:14

Kadi Yesu wakamukonka ne, Mulumiana, wakunteka meme mulumbuludi wenu ne munutahuluidi nganyi?

Yowanane 8:15

Nuenu nudi nulumbuluisha bantu bu mudi mubidi, meme tshiena ndumbuluisha muntu.

Yowanane 18:35

Pilato wakamukudimuna ne, Meme ndi Muena Yuda, anyi? Bantu ba tshisamba tshienu ne bakuidi banene bakukufila mu bianza bianyi, wakuenza tshinyi?