Yowanane 18:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mukashi muenji wa mudimu wakadi ulama ku tshibi, wakakonka Petelo ne, Wewe kabidi udi mukuabo wa bayidi ba muntu eu, nasha? Yeye wakamba ne, Tshiena wabo.

MUKANDA WA MYIDI MUKULU

¹⁷ Mukaji mulami wa tshiibi kukonka Petro ne: — Wewe kabidi, kuena wa ku balongi ba muntu ewu anyi? Petro kuandamuna ne: — Tshiena wa ku balongi bende nansha.

Yowanane 18:17 交叉引用

Yowanane 21:15

Hakashikishabo kudia, Yesu wakakonka Simona Petelo ne, Simona wa Yona, wewe udi mutambe aba bakuabo kunnanga, anyi? Yeye wakamuambila ne, Bulelela, Mukelenge, wewe udi mumanye ne, Ndi mukusue. Yesu wakamuambila ne, Udishe bana banyi ba mikoko.

Yowanane 18:25

Simona Petelo wakadi muimane wota kahia. Bakamukonka ne, Wewe kabidi udi mukuabo wa bayidi bandi, nasha? Yeye wakavila, wakamba ne, Tshiena wabo.

Yowanane 18:16

kadi Petelo wakadi muimane ku tshibi ku bula. Muyidi wakadi mumanyibue kudi muakuidi munene wakaluhuka, wakakula ne mukashi wakadi ulama ku tshibi, wakabuela ne Petelo.

Luke 22:54

Bakamukuata, bakaluhuka nʼandi, bakalua nʼandi mu nsubu wa muakuidi munene. Petelo wakaha londa ha bule ha bule.

Matayi 26:33

Petelo wakamuandamuna ne, Bialenduka bakuabo bonso, meme tshiena ndenduka tshiendelele,

Bienzedi 12:13

Hakakokoleye ku tshibi tshia ku mbelu, mukashi muenji wa mudimu, dina diandi Loda, wakaya kuitaba.

Yowanane 18:8

Yesu wakamba ne, Nakunuambila ne, Mmeme; binuikala nunkeba meme, lekelai aba baye;

Yowanane 18:5

Bakamukudimuna ne, Yesu wa ku Nazaleta. Yesu wakabambila ne, Mmeme. Yudasa, mumutungidi, wakadi muimane nʼabo.