Yowanane 14:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

MUKANDA WA MYIDI MUKULU

²⁷ Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Yowanane 14:27 交叉引用

Filipe 4:7

Ne ditalala dia Nzambi didi ditamba dijingulula dionso dia bantu, nedilame mitshima yenu ne meshi enu mu Kilisto Yesu.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

2 Tesalonike 3:16

Mukelenge wa ditalala anuhe ditalala misangu yonso mu mianda yonso. Mukelenge ikale ne buonso buenu.

Kolose 3:15

Ne ditalala dia Kilisto dinukokeshe mu mitshima yenu; dinuakabikidibuamu kabidi mu mubidi umue; ne nuikale nusakidile Nzambi.

2 Timote 1:7

Bua Nzambi kakatuha nyuma wa buowa; kadi wakatuha nyuma wa bukole ne wa dinanga ne wa kudikanda.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Dibadika 6:26

Yehowa abandishe mesu andi kunudi, anuhe ditalala.

Rome 8:6

Bualu bua meshi mateka ku malu a mubidi adi lufu, kadi meshi mateka kudi Nyuma adi muoyo ne ditalala.

Yirmeya 1:8

Yehowa wakamba ne, Kuikadi ne buowa kudibo, hualu bua ndi nʼebe bua kukuhandisha.

Ngalate 1:3

Ngasa kunudi ne ditalala bia kudi Nzambi Tatu ne kudi Mukelenge wetu Yesu Kilisto,

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Misambu 29:11

Yehowa neaheshe bantu bandi bukole, Yehowa neasankishe bantu bandi ne ditalala.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Yowanane 14:1

Mitshima yenu kaizakadi; nuitabushe Nzambi, nungitabushe meme kabidi.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Misambu 112:7

Kena utshina ngumu mibi; mutshima wandi udi mushindame, udi weyemena Yehowa.

Rome 5:10

Bualu bua, biwikala balengesha ne Nzambi ku lufu lua Muana wandi, hatuakadi bena lukuna nʼandi, nunku netutambe kusungidibua ku muoyo wandi hatuakamana kulengesha nʼandi.

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Misambu 56:11

mu Nzambi mene mundi ngeyemena, tshiyi ne buowa. Bantu badi bamanye mua kungenzela tshinyi?

Misambu 91:5

Kuena utshina bualu budi bukuatshisha muntu buowa butuku, anyi mukete udi uhita lubilu mu munya;

Kolose 1:20

ne bua kulengeshisheye bintu bionso kudiye bua bualu buandi, yeye mumane kuvuisha ditalala ku mashi a ku mutshi wandi mutshiamakane; bua bualu buandi bua kulengeshisheye bintu bionso kudiye, ne bidi ha buloba ne bidi mu diulu.

Rome 1:7

Ndi nfunda kudi bonso ba mu Lomo, banangibue kudi Nzambi, babikidibue bua kuikala basanto. Ngasa kunudi ne ditalala bia kudi Nzambi, udi kabidi Tatu wetu, ne kudi Mukelenge Yesu Kilisto.

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Misambu 85:10

Luse lujalame ne lulamatu lua bushuwa biakusangakanangana; buakane ne ditalala biakutuangana mishiku.

1 Korente 1:3

Ngasa kunudi ne ditalala bia kudi Nzambi Tatu wetu ne kudi Mukelenge Yesu. Kilisto.

Misambu 56:3

Handi ntshina, ndi nkueyemena wewe.

Yowanane 20:19

Dituku adi dia kumudilu dia lumingu, diba dimane kubuela, bayidi bakadi mu nsubu ne bibi binshila bualu bua bakatshina Bena Yuda, Yesu wakalua, wakimana munkatshi muabo, wakabambila ne, Ditalala dikale kunudi.

2 Tesalonike 1:2

Ngasa kunudi ne ditalala bia kudi Nzambi Tatu ne Mukelenge Yesu Kilisto.

Bienzedi 10:36

Yeye kabidi wakatumina bana ba Isalele dî, wakabambidila lumu luimpe lua ditalala kudi Yesu Kilisto (yeye udi Mukelenge wa bantu bonso);

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Luke 1:79

Bua kutokeshela badi bashikame mu mîdima ne mu dileshi dia lufu, Ne bua kuendesha makasa etu mu nshila wa ditalala.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Bienzedi 18:9

Mukelenge wakambila Paulo mu tshikena kumona butuku ne, Kutshinyi; kadi amba, kuhû:

Matayi 10:26

Nunku kanubatshinyi; bualu bua bintu bionso bidi bibuikila nebibuluibue; bidi bisokoka nebisokoloke.

Yeshaya 55:12

Bualu bua nenduhuke ne disanka, nebanulombole ne ditalala; mikuna minene ne mikuna mikese neyibishe mei ai mu kuimba kua misambu ku mpala kuenu; mitshi yonso ya mu mpata neyitutakashe bianza.

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Didimanyisha 2:10

Kutshinyi malu audi wamba kukenga nʼau. Mona, diabolo udi wamba kuela bakuabo ba munkatshi muenu mu lukanu bua nuenu nutetshibue, ne nenuikale ne dikenga dia matuku dikumi. Wikale biebe ne dieyemena tô ne ku lufu, nunku nenkuhe tshifulu tshia butumbi tshia muoyo.

Didimanyisha 1:4

Yone kudi ekelesia muanda mutekete idi mu Asia, ngasa ikale kunudi ne ditalala, bia kudi Yeye udiku ne wakadiku ne udi ulua; ne kudi Nyuma muanda mutekete idi ku mpala kua nkuasa wandi wa butumbi;

Ebrewu 7:2

Kudiye kabidi, Abalahama wakabanyangana nʼandi tshia dikumi tshia bintu bionso (diambedi muikale mukudimuna dina ne, Mukelenge wa buakane; hashishe kabidi, udi biandi Mukelenge wa Salema, kuamba ne, Mukelenge wa ditalala;

Yowanane 20:26

Hakahita matuku muanda mukulu kabidi, bayidi bandi bakadi mu nsubu, Toma wakadi nʼabo. Bibi biakadi binshila, Yesu wakalua, wakimana munkatshi muabo, wakamba ne, Ditalala dikale kunudi.

Yezekiyele 2:6

Wewe, muana wa muntu, kubatshinyi nansha, kutshinyi mei abo kabidi, nansha hikala mingonge ne meba bikunyunguluke, nansha biwikala mushikame munkatshi mua tuminyiminyi; kutshinyi mei abo, kukuatshiki buowa bua mpala yabo, bualu bua badi tshisamba tshia bantombokedi.

Misambu 28:3

Kunkoki bua kuya nʼanyi diatshimue ne bantu babi, diatshimue ne badi benji ba malu mabi; badi bambila bena mutumba nʼabo mei a luvuenge, kadi mu mitshima yabo mudi meji a malu mabi.

Danyele 4:1

Mukelenge Nebukadenesâ udi utuma dî kudi bantu bonso, ba bisamba bionso ne ba miaku yonso badi bashikame ha buloba buonso ne, Ditalala dikumbane kunudi.

Nsumuinu 3:25

Kutshinyi buowa budi bulua kûdi lukasa, anyi kubutuka kua bantu babi hafikaku kudibo.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Ngalate 6:16

Bonso badi basue kuenda bu mudi tshidikishilu etshi, ditalala ne luse bikale kudibo ne kudi Bena Isalele ba Nzambi.

Luke 10:5

Hanuabuela mu nsubu, nudianjile kuamba ne, Ditalala dikale mu nsubu eu.

Zekâya 6:13

Yeye mene nease ntempelo wa Yehowa, neikale ne butumbi, neashikame mu nkuasa wandi wa bukelenge, neakokeshemu; neikale muakuidi mu nkuasa wandi wa butumbi; midimu ei ibidi neyikuatshishangane.

Yeshaya 57:19

Yehowa udi wamba ne, Ditalala, ditalala dikale kudi muntu udi kule ne kudi muntu udi ha buihi; nemmuondahe.

Misambu 72:7

Mu matuku andi bantu bakane nebikale ne diakalengele, ditalala divule nedikaleku tô ne hajimina ngondo tshiendelele.

Kolose 1:2

kudi badi mu Kolosai, basanto ne bana betu bananukidi ba mu Kilisto. Ngasa ikale kunudi ne ditalala bia kudi Nzambi Tatu wetu.

Luke 12:4

Ndi nuambila nuenu balunda banyi ne, Kanutshinyi badi bashiha mubidi, kadi ku nyima kabena bamanye mua kuenza bunga bualu.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Danyele 6:25

Hashishe, mukelenge Dayawesha wakafunda mukanda, wakautumina bantu bonso ba mu bisamba bionso ne ba miaku yonso, badi bashikame mu buloba buonso, ubambila ne, Ditalala divulangane kunudi!

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Misambu 11:1

Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,

Muadi 3:17

Wakûmusha ditalala dia mu mutshima wanyi, wakuditeka kule; nakuhua diakalengele muoyo.

Misambu 72:2

Yeye nealumbuluishe bantu bebe ne buakane, nealumbuluishe bantu bebe bahele ne kulumbulula kuakane.

2 Kulondolola 20:30

Nunku bukelenge bua Yehoshafata buakadi ne ditalala; bualu bua Nzambi wakamuha ditalala mu nseke yonso.