Yowanane 14:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

MUKANDA WA MYIDI MUKULU

²⁶ Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 14:26 交叉引用

Yowanane 15:26

Kadi halua Musambi unanutumina, Nyuma wa bulelela mene mene, wafuma kudi Tatu, yeye neangambe;

Yowanane 14:16

Nendombe Tatu, yeye neanuhe Musambi mukuabo, ikale nʼenu tshiendelele,

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

Yowanane 16:7

Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.

1 Yone 2:20

Ne nudi ne diedibua dia manyi ha mutu henu kudi Wa Tshijila, ne buonso buenu nudi bamanye buala ebu,

1 Korente 6:19

Anyi, kanuena bamanye ne mubidi wenu udi ntempelo wa Nyuma Muimpe udi munda muenu, unudi nuangata kudi Nzambi, anyi? Kanuena bena mioyo yenu.

Bienzedi 2:33

Yeye, mumane kubandishibua ku tshianza tshia balume tshia Nzambi, mumane kuangata mulayi wa Nyuma Muimpe kudi Tatu, wakuitshikisha bualu ebu bunudi numona ne bunudi nunvua.

Efeze 1:17

bua Nzambi wa Mukelenge wetu Yesu Kilisto, Tatu wa butumbi, anuhe nyuma wa meshi ne wa dibuluila mu dimumanya dienu;

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Bienzedi 2:4

Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

Yowanane 2:22

Hakabikeye ku lufu, bayidi bandi bakavuluka dî edi diakambeye, bakitabusha malu akadi mafunda ma Mukanda wa Nzambi ne dî diakamba Yesu.

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Bienzedi 13:2

Hakadibo benzela Mukelenge mudimu, hakadibo bajila bia kudia, Nyuma Muimpe wakamba ne, Nungumushile Bânaba ne Shaula ka tshisumbu tshienu bua mudimu unakubabikidila.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

1 Yone 5:7

Nyuma Muimpe ngudi umanyisha, bualu bua Nyuma udi bulelela.

Tite 3:5

kembua midimu ya mu buakane ituakenza nkayetu, kadi bu mudi luse luandi wakatusungila, bualu bua diuvua dia kuedibua kua tshiakabidi ne bua mitshima mihia-mihia yakatuhabo kudi Nyuma Muimpe,

Luke 24:49

Monai, ndi nutumina mulayi wa Tatu wanyi; kadi nushale mu musoko eu tô ne hanuluatshishabo bukole bua mu diulu.

Yuda 1:20

Kadi nuenu, bananga, nudibake ha ditabusha dienu ditambe dia tshijila, nutendelele mu Nyuma Muimpe,

Ebrewu 9:8

Nyuma Muimpe udi ulesha bualu ebu hatoke ne, Nshila wa ku muaba mutambe wa tshijila kena muanze kuleshibua hatshidi tshitendelelu tshia kumudilu ne mudimu.

Ebrewu 3:7

Bua bualu ebu, bu mudi Nyuma Muimpe wamba ne, Lelu eu, binunvua dî diandi,

2 Korente 13:14

Ngasa wa Mukelenge Yesu Kilisto ne dinanga dia Nzambi ne buobumue ne Nyuma Muimpe bikale ne buonso buenu.

1 Tesalonike 4:8

Nunku wahetula kena uhetula muntu kadi udi uhetula Nzambi udi unuha Nyuma Muimpe wandi.

1 Korente 12:3

Nunku ndi numanyisha ne, Kakuena muntu udi wakula mu Nyuma wa Nzambi, udi wamba ne, Yesu udi muedibue mulau; ne kakuena muntu udi mua kuamba ne, Yesu udi Mukelenge, bikaleye kai mu Nyuma Muimpe.

2 Petro 1:21

Bualu bua kakuena diyisha dia baprofete diakanza kulua ku disua dia muntu; badi bantu bakamba dî dia kudi Nzambi benzesha kudi Nyuma Muimpe.

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

Misambu 51:11

Kungihatshi bua tshikadi ku mpala kuebe, kungumushidi Nyuma webe Muimpe.

Rome 15:16

bua meme kuikala mukuatshishi wa mudimu wa Kilisto Yesu mutumibue kudi bisamba bia bende, ngenza mudimu wa muakuidi wa mu lumu luimpe lua Nzambi, bua kufila kuanyi kua bisamba bia bende kuvuishibue mulambu udi Nzambi musue, mujidibue kudi Nyuma Muimpe.

Luke 1:41

Hakunvua Elisabeta muoyo wakamuela Malia, muana wakatabuluka mu difu diandi; Elisabeta wakûshibua tente ne Nyuma Muimpe;

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Ebrewu 2:4

Nzambi kabidi wakamanyishangana nʼabo ne ku bimanyinu ne ku malu a kukema ne ku bienzedi bia bukole bia bungi ne ku bihedi bia Nyuma Muimpe biakababanyinabo, bu mudi disua diandi.

2 Timote 1:14

Tshiotshi tshimpe tshîakatekibua utshilame bimpe ne dikuatshisha dia Nyuma Muimpe udi muikale munda muetu.

Efeze 4:30

Kanunyingalashi Nyuma Muimpe wa Nzambi, nuakahebua tshimanyishilu kudiye munda muenu tshidiku tô ne halua dituku dia buhikudi.

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Bienzedi 11:16

Nakuvuluka dî dia Mukelenge diakambeye ne, Bulelela, Yone wakabatiza bantu ne mai, kadi nuenu nenubatijibue mu Nyuma Muimpe.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Yowanane 20:22

Hakambeye dî edi, wakabela muhuya, wakabambila ne, Nuangate Nyuma Muimpe;

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Marke 13:11

Hayabo nʼenu ku tshilumbuluidi, hanufilabo, kanutambi kuelangana meshi diambedi ne, Netuambe tshinyi? Nuambe bualu buanuhabo kudi Nyuma Muimpe diba adi; nuenu kanuena nuamba, Nyuma Muimpe udi wamba.

Matayi 1:20

Hakadiye welangana meshi a malu â, muanjelo wa Mukelenge wakamueneka kudiye mu tshilota tshiandi, wakamba ne, Yosefe, muana wa Bayidi, kutshinyi mua kuangata mukashi webe Malia, bualu bua udi muimita munda muandi ngua Nyuma Muimpe.

Ebrewu 10:15

Nyuma Muimpe udi utumanyisha bualu ebu kabidi, bua hakamaneye kuamha ne,

Yowanane 12:16

Diambedi bayidi bandi kabakamanya malu â; kadi hakatumbishibua Yesu, bakavuluka malu akamufundabo ne akamuenzelabo.

Marke 12:36

Davidi mene wakamba mu Nyuma Muimpe ne, Mukelenge wakambila Mukelenge wanyi ne, Shikama ku tshianza tshianyi tshia balume Tô ne hanateka badi nʼebe lukuna munshi mua makasa ebe.

Didimanyisha 2:11

Udi ne matshu unvue budi Nyuma wambila ekelesia. Udi uhita bukole kena ukengeshibua ku lufu luibidi.

Efeze 1:13

Nuenu kabidi, hanuakamana kunvua dî dia bushua kudiye, lumu luimpe lua luhandu luenu, hanuakamuitabusha kabidi, nuakuangata tshimanyishilu tshia Nyuma Muimpe mulayibue,

2 Korente 6:6

ne mu butoke bua mitshima, ne mu lungenyi, ne mu lutulu, ne mu luse, ne mu Nyuma Muimpe, ne mu dinanga didi kadi ne lubombo;

Bienzedi 20:35

Mu malu onso nakunulesha tshifuanyikishi bu munudi mua kuenza mudimu bua kukuatshisha badi batekete, ne bua nuenu kuvuluka mei a Mukelenge Yesu akambeye ne, Kuha kudi kutamba kuangata kusankisha muntu.

Bienzedi 15:8

Nzambi mumanyi wa mu mitshima, wakabavidila, wakabaha Nyuma Muimpe bu muakutuheye bietu:

Bienzedi 7:51

Nuenu bena tshishiku, badi kabai batengudibue mu mitshima ne mu matshu, matuku onso nudi nuhidia Nyuma Muimpe; nudi nuenza bu muakenza bankambua benu.

Bienzedi 1:4

Hakadisangisheye nʼabo, wakabambila bikole ne, Kanumuki mu Yelushalema, kadi nujidile mulayi wa Tatu unuakunvua kundi.

Bienzedi 1:2

tô ne ku dituku diakangatshibueye mu diulu, hakamaneye kuambika bapostolo bakasunguleye mikenshi yandi kudi Nyuma Muimpe.

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

Luke 3:22

ne Nyuma Muimpe wakahueka hamʼbidi handi ne mubidi bu wa nyunyu wa nkutshi; di diakafuma mu diulu ne, Wewe udi Muana wanyi munanga, udi unsankisha bimpe.

Luke 1:67

Tatuʼandi Zakâya, mûshibue tente ne Nyuma Muimpe, wakamba malu akadi kâi manze kulua ne,

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Matayi 28:19

Bualu bua meme ndi ne bukokeshi ebu, yai bienu, nuvuishe ba bisamba bionso bayidi, nubabatize mu dina dia Tatu ne mu dia Muana ne mu dia Nyuma Muimpe;

Yeshaya 63:10

Kadi bakamutombokela, bakanyingalasha Nyuma wandi Muimpe; nunku yeye wakadikudimuna bua kuikaleye muena lukuna wabo, ne yeye muine wakaluangana nʼabo.

Bienzedi 28:25

Hakabangabo kuhunga mei munkatshi muabo, bakumuka, hakamana Paulo kubambila anu dî dimue ne, Nyuma Muimpe wakambidila bankambua benu bimpe kudi muprofete Yeshaya ne,

Bienzedi 16:6

Hakabakanda Nyuma Muimpe bua kuamba di dia Nzambi mu Asia, bakahitshila mu luseke lua Fugia ne Galatia.

Bienzedi 15:28

Bualu bua Nyuma Muimpe wakamona, ne tuetu kabidi, ne, Kembimpe bia kunutekela bunga bujitu, anu malu atudi nʼau bualu:

Bienzedi 13:4

Bakahueka ku Seleukia, batumibue kudi Nyuma Muimpe. Bakumukaku, bakasabuka ku tshisanga tshia Kupulio.

Bienzedi 7:55

Kadi yeye, mûle tente ne Nyuma Muimpe, wakatangila mulu talala, wakamona butumbi bua Nzambi, ne Yesu muimane ku tshianza tshia bukole tshia Nzambi,

Bienzedi 5:3

Kadi Petelo wakamba ne, Anania, bualu kai Satana wakûsha mutshima webe tente bua wewe kudinga Nyuma Muimpe ne bua kusokoka tshituha tshia mushinga wa budimi?

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.

Matayi 1:18

Kuledibua kua Yesu Kilisto kuakadi nunku: Hakadi baba wandi Malia mubangila kudi Yosefe, diambedi kaba! banze kulua hohamue, bakamusangana muimitshisha difu kudi Nyuma Muimpe.

Yowanane 1:33

Tshiakumumanya; kadi wakantuma bua kubatiza bantu mu mai wakungambila ne, Muntu uwatangila Nyuma uhuekela hamʼbidi handi, mumuikile, yeye nguabatiza bantu mu Nyuma Muimpe.

Yowanane 14:25

Nakunuambila malu â hantshidi nʼenu.