Yowanane 12:48 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ Wampidia meme ne wahidia mei anyi udi ne mumulumbuluishi; dî diakamba nedimulumbuluishe dituku dia kunshikidilu.

MUKANDA WA MYIDI MUKULU

⁴⁸ Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Yowanane 12:48 交叉引用

Luke 10:16

Wanunvuila udi ungunvuila meme, wanuhidia udi umpidia meme; wampidia meme udi uhidia wakuntuma.

Rome 2:16

Nunku nebalumbuluishibue ku dituku didi Nzambi ulumbulula malu masokome a bantu kudi Yesu Kilisto, bu mudi lumu luimpe luanyi luamba.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

Yowanane 11:24

Mâta wakamuambila ne, Ndi mumanye ne, Yeye neabike dituku dia kunshikidilu diabika bantu bonso kabidi.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Yeshaya 53:3

Bakamulengulula, bakamulekela kudi bantu; wakadi muena kanyinganyinga, wakamanya makenga; wakadi bu muntu udi bantu basokoka mpala yabo kudiye, wakadi muhetudibue, ne katuakumuanyisha nansha.

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?

Yowanane 5:45

Kanuedianganyi meshi ne, Meme nenubande ku mesu kua Tatu; mukuabo udiku, Mose mene, unudi beyemene, yeye neanubande.

Matayi 21:42

Yesu wakabakonka ne, Kanuena banze kubala mu Mukanda wa Nzambi anyi, ne, Dibue diakahidiabo kudi bibaki ba nsubu Bakaditeka ku mutu kua ditumba; Eu mudimu wa Mukelenge, Udi bu bualu bua kukema ku mesu kuetu?

1 Samuele 10:19

kadi nuenu nuakahidia Nzambi wenu udi unusungila mu makenga enu ne mu ntatu yenu lelu, nuakangambila ne, Nansha, utusungile mukelenge bua bikaleye ku mutu kuetu. Nunku numueneke ku mesu kua Yehowa ku bisamba bienu ne ku binunu bienu.

2 Korente 4:3

Bikala lumu luimpe luetu ne tshilulu tshikudika, ludi nʼatshi anu kudi batshidi bajimina;

Luke 20:17

Kadi yeye wakabajosha, wakabakonka ne, Edi ndî kai diakafundabo mu Mukunda wa Nzambi ne, Dibue diakahidiabo kudi bibaki ba nsubu Bakaditeka ku mutu kua ditumba?

Luke 17:25

Kadi diambedi budiye nʼabu mbua kukengeye makenga a bungi ne bua kumuhidiabo kudi bantu ba tshikondo etshi.

Luke 9:26

Muntu yonso udi unfua meme ne mei anyi bundu, Muana wa muntu neamufue yeye bundu, halueye ne butumbi buandi ne bua Tatu ne bua banjelo ba tshijila.

Luke 9:22

wakabambila ne, Budi Muana wa muntu nʼabu mbua kukengeshibua makenga a bungi, ne bua kuhidibua kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

Luke 7:30

Kadi Bafalese ne bamanyi ba mikenshi bakahidia lungenyi lua Nzambi, bakadi kabai babatijibue kudiye.

Marke 16:16

Witabusha, wabatijibua, nebamusungile; wahidia, nebamuhishe.

Marke 12:10

Kanuakubala dî dia mu Mukanda wa Nzambi, anyi, ne, Dibue diakahidiabo kudi bibaki ba nsubu Bakaditeka ku mutu kua ditumba;

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

1 Samuele 8:7

Yehowa wakambila Samuele ne, Unvile mei a bantu mu malu onso adibo bakuambila; bualu bua bobo kabakakuhidia wewe, bakampidia meme bua meme tshikadi mukokeshi wabo.

Bienzedi 3:23

Muntu yonso wahidia kutumikila mei a muprofete au nebamubutule munkatshi mua bantu.

Marke 8:31

Yeye wakabanga kumanyisha bayidi bandi ne, Budi Muana wa muntu nʼabu mbua kukengeshibua makenga a bungi, ne bua kuedibua kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubika hahita matuku asatu.

Matayi 10:15

Bulelela, ndi nuambila ne, Halua dituku dia kulumbulula, bujitu bua dikenga dia musoko au nebutambe bua buloba bua Sodoma ne Amola.

Yowanane 6:39

Edi ndisua dia wakuntuma ne tshijimishi muntu umue wa mu bantu bakampeye, yeye udi musue mbabishe dituku dia kunshikidilu.

Yowanane 8:47

Wa Nzambi udi unvua mei a Nzambi; ebu mbualu bunudi kanui nûnvuila, bua kanuena ba Nzambi.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Ebrewu 4:12

Bualu bua dî dia Nzambi didi ne muoyo ne bukole, didi dihita muele wonso musakisha nseke ibidi kutua, didi ditubula tô ne ku dihandulula dia muoyo ne nyuma, ne dia manungu ne buongo bua mikuha, didi dijingulula lukasa meshi ne mata adi mutshima musue kuenza.

Ebrewu 10:25

katui tulekela bietu disangisha dietu bamue, bu mudi tshilele tshia bakuabo, kadi tukoleshangana mitshima, tutamba kuenza nunku bualu bua nudi numona dituku dia Mukelenge disemena ha buihi.

1 Petro 1:5

nuenu mbadi balamibua ku bukole bua Nzambi bua ditabusha tô ne ku luhandu tulongolola bubuluibua mu tshikondo tshia kunshikidilu.

2 Petro 3:3

mimanye bienu bualu ebu ku mpala ne, Halua kunshikidilu kua matuku, baseki nebalue ne tuseku tuabo, benda bu mudi nkuka yabo mene,

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.