Yowanane 12:40 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Yeye wakafofomesha mesu abo, wakakolesha mitshima yabo; Nunku mesu abo kâmonyi, kabamanyi mu mitshima yabo, Kabakudimunyi mitshima yabo Bua meme kubondaha.

MUKANDA WA MYIDI MUKULU

⁴⁰ “Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Yowanane 12:40 交叉引用

Yeshaya 6:10

Vuisha mitshima ya bantu aba mitshima idi ne manyi, vuisha matshu abo mpudimatshu, ne buikila mesu abo; bua kabamonyi ne mesu abo, kabunvu ne matshu abo, kabajinguludi malu ne mitshima yabo, kabakudimunyi mitshima yabo bua kusangashibua.

Luke 8:10

Yeye wakamba ne, Bakunuha bienu lungenyi lua kumanya malu a bukelenge bua Nzambi adi masokoka; kadi badi bambila bakuabo malu anu mu nsumuinu; nunku hamonabo, kabena bamona bimpe; hunvuabo, kabena bajingulula.

Marke 4:12

kumona nebamone, kadi kabena bamanye; kunvua nebunvue, kadi kabena bajingulula; nunku kabakudimunyi mitshima yabo bua mibi yabo ijimishibue.

Yeshaya 29:10

Bualu bua Yehowa wakatshihisha nyuma udi ne tulu tukole hamʼbidi henu; wakubuikila mesu enu, mbaprofete mene, wakubuikila mitu yenu, mbamonyi ba bikena kumona mene.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Yowanane 9:39

Yesu wakamba ne, Nakuluila ha buloba bua kulumbuluisha bantu, badi kabai bamona bamone, badi bamona balue bafofo.

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Osheya 14:4

Meme nengondahe, nenshikishe kutomboka kuabo; nembanange ne mutshima wanyi wonso; bualu bua tshiji tshianyi tshinakadi nʼatshi kudibo tshiakûmuka.

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Yezekiyele 12:2

Muana wa muntu, wewe udi mushikame munkatshi mua ba mu tshisamba etshi tshia bantombokedi, badi ne mesu a kumona nʼau kadi kabena bamona, badi ne matshu a kunyua nʼau kadi kabena bunvua; hualu bua badi diku dia bantombokedi.

Yirmeya 3:22

Nuenu, bana banyi bandekedi, hinganai kundi, nennuondahe ku buhidia buenu. Mona, tuakulua kûdi; bualu bua wewe udi Yehowa Nzambi wetu.

Misambu 147:3

Udi ukolesha badi ne mitshima minyingalale, udi ujingila bilulu ha mputa yabo.

Misambu 41:4

Meme hanyi nakamba ne, Yehowa, unfuile luse; usangashe muoyo wanyi, bualu bua nakukuenzela bibi.

Misambu 6:2

Yehowa, unfuile luse, bualu bua ndi ngamba kuteketa; Yehowa, unsangashe, bualu bua mifuba yanyi idi izakala.

Yoshua 11:20

Yehowa wakitabusha bua bakoleshe mitshima yabo bua kuluisha Bena Isalele nvita, bua Bena Isalele bababutule bonso, kababafuidi luse, kadi babashihe, bu muakambila Yehowa Mose.

Dielulula 29:4

Kadi Yehowa kena muanze kunuha mitshima ya kumanya nʼai ne mesu a kutangila nʼau ne matshu a kunvua nʼau tô ne ku dituku edi.

Rome 9:18

Nunku udi ufuila badiye musue luse, udi ukolesha mitshima ya badiye musue.

Bienzedi 28:26

Ya biebe kudi bantu aba ubambile ne, Kunvua nenunvue, kanuena nujingulula; Kumona nenumone, kanuena numona bimpe;

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

Yezekiyele 14:9

Bikala muprofete eu muteyibue bua kuamba dî dikuabo, meme Yehowa nakuitabusha bua muprofete eu ateyibue, ne nengolole tshianza tshianyi bua kulenga hamʼbidi handi, nemmubutule bua kumûmusha munkatshi mua bantu banyi Bena Isalele.

Yirmeya 5:21

Unvuai bienu dî edi, nuenu bantu bahote ne badi kabayi ne mitshima idi ijingulula; nudi ne mesu, kadi kanuena numona; nudi ne matshu, kadi kanuena nunvua.

Bienzedi 15:3

Bena ekelesia bakabashindikila, bakahitshila mu Foineke ne Samalea, benda bambila bantu bua kukudimuna kua mitshima kua bisamba bia bende; bakatamba kusankisha mitshima ya bana babo bonso ba mu Kilisto.

Marke 6:52

bualu bua kabakajingulula bualu bua mitanda bimpe; mitshima yabo yakadi mikole.

Yeshaya 53:5

Kadi bakamutaha mputa bua mibi yetu, bakamukuma bua malu mabi etu; dikenga didi divuisha ditalala dietu diakadi hamʼbidi handi, ne tuakukoleshibua ku mibundabunda yandi.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Ekesode 14:17

Ne tangila, meme nenkoleshe mitshima ya Bena Ejipitu, nebayemu ku nyima kua Bena Isalele, nengangate butumbi bualu bua Palô ne bisumbu biandi bionso ne makalu andi ne masalayi andi adi enda ha tubalu.

Ekesode 14:8

Yehowa wakakolesha mutshima wa Palô, mukelenge wa Ejipitu, yeye wakalonda Bena Isalele, bualu bua Bena Isalele bakahatuka ne tshianza tshikole.

Ekesode 14:4

Meme nenkoleshe mutshima wa Palô, yeye neabalonde, nempete butumbi kudi Palô ne kudi bisumbu biandi bionso, Bena Ejipitu nebamanye ne, Meme ndi Yehowa Bakenza nunku.

Ekesode 7:13

Mutshima wa Palo wakakoleshibua, yeye kakabunvuila, bu muakamba Yehowa.

Ekesode 7:3

Nenkoleshe mutshima wa Palô, nennudishe bimanyinu bianyi ne malu anyi a kukema mu buloba bua Ejipitu.

Ekesode 4:21

Yehowa wakambila Mose ne, Hawahingana mu Ejipitu, wenza ku mesu kua Palô malu a kukema onso anakuteka mu tshianza tshiebe, kadi meme nenkoleshe mutshima wa Palô, ne yeye kena ulekela bantu.

1 Bakalenga 22:20

Yehowa wakakonka ne, Nganyi neadinge Ahaba bua kuyeye kuluangana ne Bena Lamota-gilada ne kuhoneyeku? Mukuabo wakamba mei kampanda ne mukuabo wakamba mei kansanga.

Ekesode 9:12

Yehowa wakakolesha mutshima wa Palô, yeye kakabunvuila, bu muakambila Yehowa Mose.

Ekesode 10:1

Yehowa wakambila Mose ne, Ya biebe kudi Palô, bualu bua nakakolesha mutshima wandi ne mitshima ya bantu bandi bua kulesha bimanyinu bianyi munkatshi muabo.

Ekesode 11:10

Mose ne Alona bakenza malu â onso a kukema ku mesu kua Palô, Yehowa wakakolesha mutshima wa Palô, yeye bakalekela Bena Isalele mu buloba buandi.

Yeshaya 6:9

Yeye wakamba ne, Ya, wambile bantu aba ne, Unvuai! Unvuai! Kadi kanujinguludi! Monai! Monai! Kadi kanumanyi nansha!

Yowanane 12:39

Bua bualu ebu kabakamanya mua kuitabusha, bua Yeshaya wakamba kabidi ne,