Yowanane 10:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Bikaleye mubabikile ne banzambi, aba bakatuminabo dî dia Nzambi (ne dî dia mu Mukanda wa Nzambi kadiena mua kumushibua),

MUKANDA WA MYIDI MUKULU

³⁵ Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Yowanane 10:35 交叉引用

Matayi 24:35

Diulu ne buloba nebijimine, kadi mei anyi kêna ajimina.

Rome 13:1

Muntu yonso aditeke ku nyima kua bakokeshi badi ku mutu kuandi. Bua kakuena bukokeshi budi kabui bulua kudi Nzambi; ne makokeshi adiku akajadikibua kudi Nzambi.

Luke 16:17

Kujimina kua diulu ne buloba mbualu bukese, kadi kuhona kua katoba kamue ka mikenshi ya Mose mbualu bunene.

Bienzedi 1:16

Bana betu, buakadibo nʼabo mbua kushikisha dî didi difunda mu Mukanda wa Nzambi, diakambabo bua Yudasa diambedi kudi Nyuma Muimpe mukana mua Davidi, yeye wakadi mulombodi wa bakuatshi ba Yesu.

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Matayi 27:35

Hakamukuminabo milonda mu bianza ne ku makasa ku mutshi mutshiamakane, bakabanyangana bilulu biandi, bela nʼabi nshobo;

Matayi 5:18

Bulelela, ndi nuambila ne, Tô ne hajimina diulu ne buloba, kaleta kamue kakese ka mikenshi ya Mose kakena kajimina ne katoba kamue kakese tô ne hashika malu onso akafundabo.

1 Kulondolola 22:8

Kadi dî dia Yehowa diakalua kundi ne, Wewe wakamatshisha mashi a bungi hanshi, wakaluangana nvita ya bungi; wewe kuena ungibakila nsubu bua meme kutekamu dina dianyi nansha, bualu bua wewe wakamatshisha mashi a bungi hanshi ha buloba ku mesu kuanyi.

2 Samuele 7:5

Ya, Wambile muntu wanyi Davidi ne, Yehowa udi ukonka ne, Wewe udi musue kungibakila nsubu wa meme kushikamamu, anyi?

1 Samuele 30:8

Davidi wakebesha Yehowa ne, Binalonda tshisumbu etshi mu nshila, nembahete, anyi? Yeye wakamukudimuna ne, Ubalonde, wewe neubahete, kuena uhanga kuhingisha bintu bionso.

1 Samuele 28:6

Shaula wakakonka Yehowa lungenyi, kadi Yehowa kakamuitaba, nansha mu tshilota nansha ku Ulima, nansha kudi baprofete.

1 Samuele 15:1

Samuele wakambila Shaula ne, Yehowa wakantuma kûdi bua kukuela manyi ha mutu bua wewe kuikala mukelenge ku mutu kua bantu bandi Bena Isalele; nunku unvue biebe mei a Yehowa.

Dielulula 18:15

Yehowa, Nzambi wenu, neanubishile muprofete munkatshi mua bana benu bu meme, nenunvue dî diandi:

Yowanane 19:28

Hashishe Yesu wakamanya ne, Malu onso akushika; bualu bua kushikisha dî diakadi difunda mu Mukanda wa Nzambi, yeye wakamba biandi ne, Ndi ne nyota.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.

Yowanane 10:34

Yesu wakabakonka ne, Kabena bafunde mu mikenshi yenu ne, Nakuamba ne, Nuenu nudi banzambi, anyi?

Yowanane 10:36

bua yeye wakajidilabo kudi Nzambi ne wakatumeye ha buloba, munyi nudi nuamba ne, Udi uhenda Nzambi, bua nakuamba ne, Ndi Muana wa Nzambi?

2 Bakalenga 15:12

Edi ndi diakambila Yehowa Yehu ne, Bana bebe nebashikame ku nkuasa wa bukelenge wa Isalele tô ne ku tshikondo tshinai. Bualu ebu buakenjibua.