Yowanane 1:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Hakatshiabu, yeye wakamona Yesu ulua kudiye, wakamba ne, Tangilai, Muanʼa mukoko wa Nzambi, udi umusha bubi bua ba ha buloba!

MUKANDA WA MYIDI MUKULU

²⁹ Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 1:29 交叉引用

Yeshaya 53:7

Bakamukengesha, kadi wakadihuekesha, ne kakabulula mukana muandi; bu mukoko udibo baya nʼau ku tshishihelu, bu mukashi wa mukoko udi muhuwe ku mpala kua bakoshi ba miosa yau, yeye kakabulula mukana muandi.

1 Yone 2:2

ne yeye udi bu mulambu wa kubuikila nʼau mibi yetu; kengua mibi yetu nkayai, kadi wa mibi, ya bonso ba ha buloba kabidi.

1 Yone 3:5

Nudi bamanye ne, Yeye wakamueneshibua bua kumusheye mibi; ne kamuena bubi munda muandi.

1 Petro 1:19

kadi nuakahikudibua ku mashi a mushinga mukole, bu a muana wa mukoko kai ne tshilema ne kai ne ditoba, ku mashi a Kilisto mene;

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Didimanyisha 6:1

Nakamona bakalamuna Muana wa Mukoko tshimue tshia bimanyishilu muanda mutekete, ne nakunvua umue wa bifukibue binai bidi ne muoyo wamba dî dia bu mukungulu wa nvula ne, Lua.

Didimanyisha 12:11

Ne bobo bakamuhita bukole bualu bua mashi a Muana wa Mukoko, ne bualu bua dî dia bumanyishi buabo; ne bobo kabakasua mioyo yabo tô ne ku lufu.

Ngalate 3:13

Kilisto wakatuhikula ku mulau wa mikenshi, wakadivuisha bu mulau bua bualu buetu; bu muakafundabo ne, Muntu yonso udi mukudika ku mutshi udi ne mulau;

Yowanane 1:36

Wakatangila Yesu talala, hakadiye wenda, wakamba ne, Tangilai, Muanʼa mukoko wa Nzambi:

Didimanyisha 7:17

bualu bua Muana wa Mukoko udi munkatshi mua nkuasa wa butumbi neikale mulami wabo, ne neabalombole ku mishimi ya mai a muoyo; ne Nzambi neakuhule tshinsonshi tshionso ku mesu kuabo.

Bienzedi 8:32

Luseke lua Mukanda wa Nzambi luakadiye ubala luakadi luamba ne, Bakalua nʼandi ku tshishihelu bu mukoko; Bu muana wa mukoko udi uhua ku mpala kua mukoshi wa miosa, Nunku yeye kena ubulula mukana muandi;

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Didimanyisha 14:1

Nakatangila, ne mona, Muana wa Mukoko muimane ha Mukuna wa Siona, ne bantu tshishikula tshimue ne mbombo inai ne binunu binai bakadi ngandi, bikale ne dina diandi, ne dina dia Tatu wandi, mafunda ha mpala habo.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;

Didimanyisha 19:9

Yeye udi ungambila ne, Funda ne, Badi babikidibua ku bidia bia dibanji bia Muana wa Mukoko badi ne disanka. Yeye udi ungambila kabidi ne, Â adi mei malelela a Nzambi.

Didimanyisha 14:10

yeye kabidi, neanue nvinyo wa tshishi tshia Nzambi wakalongolodibua kai musangisha ne tshinga tshintu mu luhanza lua tshishi tshiandi; ne neakengeshibue mu kahia ne soufre ku mpala kua banjelo ba tshijila ne ku mpala kua Muana wa Mukoko.

Didimanyisha 13:8

Ne bonso badi bikala ha buloba nebamukukuile, muntu yonso udi kai ne dina difunda ku tshibangidilu tshia buloba mu mukanda wa muoyo wa Muana wa Mukoko udi mushihibue.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Didimanyisha 19:7

Tusanke, tuikale ne disanka dinene, tumuhe butumbi, bualu bua dibaka dia Muana wa Mukoko diakulua, ne mukashi wandi wakudilongolola.

Didimanyisha 14:4

Aba mbantu bakadi kabai banyanguka ne bakashi, bualu bua bobo badi mishikankunde ya tumama. Aba mbantu badi balonda Muana wa Mukoko kuonso kudiye uya. Bobo bakasumbibua munkatshi mua bantu, bua kuikala mamuma a kuhuola diambedi kudi Nzambi ne kudi Muana wa Mukoko.

Didimanyisha 5:8

Ne hakangateye mukunda, bifukibue bidi ne muoyo ne bakulu makumi abidi ne banai bakahona ku mpala kua Muana wa Mukoko, muntu ne muntu muikale ne lunkombe, ne mpanza ya ngolo miûle tente ne mananashi a kuosha adi mitendelelu ya basanto.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 21:9

Umue wa banjelo muanda mutekete bakadi ne mpanza muanda mutekete miûle tente ne makenga muanda mutekete a kunshikidilu, wakalua, wakakula nʼanyi, wamba ne, Lua biebe, nenkuleshe mukashi musela, mukashi wa Muana wa Mukoko.

Didimanyisha 6:16

Ne badi bambila mikuna ne mabue ne, Nutuhukile, nutusokoke ku mesu kua udi ushikama ha nkuasa wa butumbi, ne ku tshishi tshia Muana wa Mukoko;

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

1 Timote 2:6

wakadifila bu tshintu tshia kuhikula nʼatshi bantu bonso; bumanyishi bua muanda eu budi ne bua kumanyishibua mu bikondo biabu mene.

1 Korente 15:3

Bua nakafila kunudi ku mpala kua malu onso bualu bunakangata kabidi ne, Kilisto wakafuila bua malu mabi etu, bu mudi Mukanda wa Nzambi wamba;

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

Didimanyisha 5:6

Nakatangila munkatshi mua nkuasa wa butumbi ne mua bifukibue bidi ne muoyo, ne mua bakulu, muana wa mukoko wakadi muimane bu mumane kushihibua, muikale ne nsengu muanda mutekete ne mesu muanda mutekete, bidi Nyuma ya Nzambi muanda mutekete idibo batuma ha buloba buonso.

Ebrewu 9:28

nunku, Kilisto kabidi, hakafidibueye musangu umue hua kutualeye mibi ya bantu ba bungi, neamueneke musangu muibidi mutahuluke ku bubi, kudi bantu badi bamuindila tô ne ku luhandu luabo.

Ngalate 1:4

wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

Bienzedi 13:39

ne bua bualu buandi, muntu yonso wamuitabusha udi ubingishibua ku malu onso, akadi mikenshi ya Mose kayi mimanye mua kunubingisha.

Matayi 1:21

Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.

Didimanyisha 21:14

Lumbu lua musoko luakadi ne bishimikidi dikumi ne bibidi, ne hamʼbidi habi hakadi mena dikumi ne abidi a bapostolo dikumi ne babidi ba Muana wa Mukoko.

Ebrewu 2:17

Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

Lewitiki 10:17

Bualu kai nuenu kanuena banze kudia mulambu wa kubuikila nʼau bubi mu nsubu wa tshitendelelu, ntshintu tshia tshijila, tshiakanuha Yehowa bua kumusha nʼatshi bubi bua bantu ne bua kubabuikidila nʼatshi bubi buabo ku mesu kua Yehowa?

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Ekesode 28:38

Netshikale ha mpala ha Alona, ne Alona neatuale mahambuka a Bena Isalele mu muaba wa tshijila hayeye bua kubajidila ne bintu bidibo bafila kudi Nzambi, netshikale ha mpala handi matuku onso bua Yehowa abitabushe.

Dibadika 18:23

Kadi Bena Lewi nebenze mudimu wa mu ntenta wa kusambakena, bobo nebadituadile bubi buabo eu udi mukenji wa tshiendelele ku bikondo bienu bionso, bobo kabena ne buhianyi munkatshi mua Bena Isalele.

Dibadika 18:1

Yehowa wakambila Alona ne, Wewe ne bana bebe balume ne ba mu nsubu wa ba tatuʼebe nenutuale mahambuka a ku buakane a bantu mu nsubu wa tshitendelelu, wewe ne bana bebe balume nenutuale mahambuka a mudimu wenu wa buakuidi.

Dibadika 7:27

ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

Yeshaya 53:10

Kadi Yehowa wakasua kumukuma, yeye wakamusamisha. Halueye kufila muoyo wandi bu mulambu wa kubuikila nʼau mibi, yeye neatangile tunkanunuma tuandi, nealeheshe matuku a muoyo wandi, ne muanda udi Yehowa musungule bua kuwenza newikale ne diakalengele mu tshianza tshiandi.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Yowanane 1:35

Hakatshiabu kabidi, Yone wakadi muimane ne bayidi bandi babidi.

Yowanane 1:43

Hakatshiabu, wakamba kuya mu Galela, wakasangana Filipo. Yesu wakamuambila ne, Undonde.

Yowanane 2:1

Hakahita matuku asatu, dibaka diakadi mu Kana wa Galela; mamu wa Yesu wakadiku;

Yowanane 4:42

bakambila mukashi ne, Tuakuitabusha katataka, kambualu bua dî diebe, tuakudiunvuila, tudi bamanye ne, Bulelela, eu udi Musungidi wa ba ha buloba.

Yowanane 6:51

Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Dibadika 7:39

ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

Dibadika 21:9

Mose wakenza nyoka ne tshiamu tshia mitaku, wakamuteka kulu kua mutshi, hashishe bakatangila mundi musumibue nyoka wa tshiamu tshia mitaku, wakadi ne muoyo kabidi.