Yoshua 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku, ndi nnusengelela ne, Nuditshihe kudi Yehowa bua bualu buanyi bu munakunuenzela bimpe, nuenu kabidi nungenzele meme ne nsubu wa tatu wanyi bimpe, numpe bianyi tshieya tshilelela;

MUKANDA WA MYIDI MUKULU

¹² Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Yoshua 2:12 交叉引用

Yoshua 2:18

Mona, hatuabuela mu buloba, wewe neusuike nshinga eu mukunze ku dididishi dia nsubu kuwakututuila: udisangishe mu nsubu webe ne tatu webe ne mamu webe ne bana benu ne bonso ba mu nsubu wa tatu webe.

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.

1 Timote 5:8

Kadi bikala muntu kai usubula badi bandi ne ba mu nsubu muandi mene, yeye wakadiula ditabusha diandi ne udi mutambe muntu udi uhidia kuitabusha bubi.

Rome 1:31

bantu bakadi kabai ne meshi, bakadi kabai balama mei akahungabo, bakadi kabai ne dinanga bu dia bantu, bakadi kabai ne mitshima ya luse.

Marke 14:44

Mutungidi wa Yesu wakabaha tshimanyinu ne, Unatuangana nʼandi mishiku, nyeye; numukuate, nuye nʼandi bimpe.

Yirmeya 12:16

Biananukilabo kuyila bienzedi bia bantu banyi, bua kuditshihabo ku dine dianyi ne, Bu mudi Yehowa ne muoyo; bu muakuyishabo bantu banyi mua kuditshiha kudi Bala; nebajadikibue bimpe munkatshi mua bantu banyi.

Estere 8:6

Munyi mundi mua kutangila bualu bubi budi bulua kudi bantu banyi? Munyi mundi mua kutangila dibutuka dia bana betu?

2 Kulondolola 36:13

Yeye kabidi wakatombokela mukelenge Nebukadenesâ, nguakamutshihisha kudi Nzambi; kadi yeye wakadi ne mampaka, wakakolesha mutshima wandi kudi Yehowa, Nzambi wa Isalele.

1 Samuele 30:15

Davidi wakamukonka ne, Wewe neutulombole kudi tshisumbu etshi, anyi? Yeye wakamuambila ne, Biwaditshiha kundi mu dina dia Nzambi ne, Tshiena nkushiha, tshiena nkufila mu bianza bia mukelenge webe, nennulombole kudi tshisumbu etshi.

Yoshua 9:15

Yoshua wakabaha budishikaminyi, wakahunga nʼabo tshihungidi, bua bobo bikale ne muoyo; bakelenge ba mu Isalele bakaditshiha kudibo.

Yoshua 2:13

nuenu nusungile tatu wanyi ne mamu wanyi, ne bana betu balume ne bana betu bakashi, ne bonso hadibo nʼabo, nusungile mioyo yetu ku lufu.

Ekesode 12:13

Mashi neikale bu tshimanymu tshia mu nsubu munudi, ne hanamona mashi, nempite ha mutu henu, ne mulau kawena unukuata hanashiha bantu ba mu buloba bua Ejipitu.

Genese 24:9

Muhi ka wakateka tshianza tshiandi muinshi mua tshibelu tshia Abalahama, mukelenge wandi, wakaditshiha bua bualu ebu.

Genese 24:3

nenkutshihishe kudi Yehowa, Nzambi wa diulu ne wa buloba, ne wewe kuangatshidi muanʼanyi mulume mukashi wa bana bakashi ba Bena Kanâna babidi bashikame nʼabo,

Genese 21:23

Nunku uditshihe nʼanyi kudi Nzambi bua wewe kundingi, nansha muanʼanyi mulume, nansha muana wa muanʼanyi, kadi ungenzele malu ne luse bu munakakuenzela wewe ne buloba bûdi mushikame.

Genese 40:14

Halua bualu ebu buimpe kûdi, wewe unvuluke, ndi nkusengelela ne, Unfuile luse, wambileku Palô bualu buanyi, angumushe mu nsubu eu

Yoshua 2:19

Kadi muntu yonso udi uluhuka ku bibi bia nsubu webe, Uyaya mu misesu, mashi andi neikale ha mutu handi, ne tuetu netubinge; ne muntu yonso udi wikala nʼebe mu nsubu, mashi andi neikale ha mitu hetu, biamulengabo tshianza.

Yoshua 6:22

Yoshua wakambila balume babidi bakaya kutentekela buloba ne, Yai bienu mu nsubu wa mukashi au muena tshiendenda, nulue ne mukashi ne bintu bionso bidiye nʼabi, bu munu akadi tshiha kudiye.

Balombodi 1:24

Batentekedi aba bakamona muntu ufuma mu musoko, bakamuambila ne, Tudi tukusengelela ne utuleshe tshibuelelu tshia mu musoko, ne tuetu netukufuile luse.