Yoshua 19:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Buhianyi buibidi buakadi bua tshisamba tshia Bena Shimeona ku meku abo, buhianyi buabo buakadi munkatshi mua buhianyi bua Bena Yuda.

MUKANDA WA MYIDI MUKULU

¹ Buloba buibidi buvua Yoshuwa mutshinke, uvua mubupeshe bena tshisamba tshia Shimeyone, bilondeshile muvua meku abu. Buloba ebu bavua babunyungulukila kudi buloba bua tshisamba tshia Yuda.

Yoshua 19:1 交叉引用

Yoshua 19:9

Buhianyi bua Bena Shimeona buakadi munkatshi mua buhianyi bua Bena Yuda, bualu bua tshituha tshia Bena Yuda tshiakabahita bunene: nunku Bena Shimeona bakadi ne buhianyi munkatshi mua buhianyi buabo.

Yoshua 18:28

ne Sela ne Elefe ne musoko wa Bena Yebuse (Yelushalema mene), Gibena ne Kîyata; bimenga dikumi ne binai ne misoko yabi. Ebu mbuhianyi bua Bena Benyamina ku meku abo.

Yoshua 19:2

Buhianyi buabo buakadi Bê-sheba, dina dikuabo Sheba, ne Molada,

Yezekiyele 48:24

Shimeona ikale ne tshituha tshimue tshituangane ne mukalu wa Benyamina, ku luseke lua esete tô ne ku luseke lua wesete.

Genese 35:23

Bana ba balume ba Lea bakadi Lubena, muanʼa bute wa Yakoba, ne Shimeona ne Lewi ne Yuda ne Yisaka ne Zebuluna.

Yoshua 15:21

Bimenga bia kunfudilu kua tshisamba tshia Bena Yuda ku mukalu wa Edome ku Sude biakadi Kabesêle ne Edê ne Yagû,

1 Kulondolola 4:28

Bobo bakashikama mu Bê-sheba ne mu Molada ne mu Hasâ-shuala

Didimanyisha 7:7

Ba mu tshisamba tshia Simeona, lubombo ne binunu bibidi; Ba mu tshisamba tshia Lewi, lubombo ne binunu bibidi; Ba mu tshisamba tshia Yisakâ, lubombo ne binunu bibidi;