Yona 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bena Ninewe bakitabusha mei a Nzambi; bakajila bia kudia, bakaluata bivualu bikayabala, kubangila kudi baneme tô ne kudi bahuekele.

MUKANDA WA MYIDI MUKULU

⁵ Nanku, bantu ba mu tshimenga atshi, kuitababu dilongesha dia Mvidi Mukulu, kujilabu biakudia, kuluatabu bonsu, bapele ne babanji, bilamba bikayapale.

Yona 3:5 交叉引用

Luke 11:32

Mu dituku dia kulumbulula, Bena Ninewe nebimane ne bantu ba tshikondo etshi, nebabahishe; bua bobo bakakudimuna mitshima yabo, hakuluabo mei a Yona; ne monai, udi mutambe Yona udi aha.

Matayi 12:41

Mu dituku dia kulumbulula, Bena Ninewe nebimane ne bantu ba tshikondo etshi, nebabahishe; bua bobo bakakudimuna mitshima yabo, hakuvuabo mei a Yona; monai, udi mutambe Yona udi aha.

Danyele 9:3

Nakatangisha mpala wanyi kudi Mukelenge Nzambi bua kumukeba mu kulomba ne kutendekena, mu kujila kua bia kudia, mu kuluata kua bilulu bikayabala ne mu kulaba kua butue.

Yowele 1:14

Jidilai tshikondo tshia kujila bia kudia, kunguishai disangisha dia tshijila. Nuenu bakulu, sangishai bantu bonso badi bashikame mu buloba ebu mu nsubu wa Yehowa Nzambi wenu; dilai kudi Yehowa.

2 Kulondolola 20:3

Yehoshafata wakatshina, wakahangidisha bua kukeba Yehowa; wakela mukenji wa bantu bajile bia kudia mu nseke yonso ya Yuda.

Ebrewu 11:1

Ditabusha didi dimanya dia malu atudi tutekemena ne didi dijadika dia malu atudi katui bamone.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Bienzedi 27:25

Nunku, bana betu, nukoleshe mitshima yenu; ndi ngitabusha Nzambi ne, Bualu nebuenjibue bu muakangambileye.

Bienzedi 8:10

Bantu bonso bakunvuila dî diandi, banene ne ba tshianana, bakamba ne, Muntu eu udi Bukole bua Nzambi budibo babikila ne, Bunene.

Yirmeya 42:8

Nunku yeye wakabikila Yohanana, muana wa Kalea, ne tupitene tuonso tua bena nvita tuakadi nʼandi, ne bantu bonso kudi udi mutambe kuhuekela tô ne kudi udi mutambe bunene,

Yirmeya 42:1

Hashishe tupitene tuonso tua bena nvita ne Yohanana, muana wa Kalea, ne Yezanya, muana wa Hoshaya, ne bantu bonso bakuabo, kudi udi mutambe kuhuekela tô ne kudi udi mutambe bunene, bakasemena ha buihi nʼandi,

Yirmeya 36:9

Mu tshidimu tshitanu tshia mu bukelenge bua Yehoyakima, muana wa Yoshiya, mukelenge wa Yuda, mu ngondo wa tshitema, bantu bonso ba mu Yelushalema ne bantu banso bakafuma ku misoko ya Yuda bua kubuela mu Yelushalema, bakela mukenji bua kujila bia kudia ku mpala kua Yehowa.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.

Estere 4:1

Hakamanya Môdekai malu onso akenzabo, Môdekai wakadihanda bilulu biandi, wakadiluatshisha bilulu bikayabala, wakadiela butue hamʼbidi, wakaya munkatshi mua musoko, wenda, udila bikole;

Yona 3:7

Wakela mukenji ne wakelesha dî mu nseke yonso ya Ninewe, wamba bu muakamba mukenji wa mukelenge ne bantu bandi banene ne, Kabalabudi tshintu kudi muntu anyi kudi nyama, kudi ngombe anyi kudi mikoko; kabidi tshia kudia, kabinu mai.

Ekesode 33:6

Bena Isalele bakavula bintu bia kudilengesha nʼabi ku mukuna wa Holeba tô ne ku mpala kuakadibo baya.

2 Bakalenga 19:1

Kakunyua mukelenge Hezikiya mei au, wakadihanda bilulu biandi, wakaluata bilulu bikayabala, wakabuela mu nsubu wa Yehowa.