Yona 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe, bakamuambila ne, Tudi tukusengelela bua wewe kutuambila ne muanda eu udi mutukuate mbua bubi bua muntu kai? Mudimu webe udi tshinyi? Udi mufume kudi kunyi? Buloba buebe budi hanyi? Udi wa tshisamba kai?

MUKANDA WA MYIDI MUKULU

⁸ Kumuambilabu ne: — Udi mudikebele diakabi! Utumvuije mudi luendu luebe! Udi ufuma penyi? Udi wa mu ditunga kaayi? Udi muena tshisamba kaayi?

Yona 1:8 交叉引用

Genese 47:3

Palo wakabakonka ne, Nudi benji ba mudimu kai? Bakakudimuna Palo ne, Bantu bebe badi balami ba mikoko, ne tuetu ne batatuʼetu.

1 Samuele 30:13

Davidi wakamuebesha ne, Wewe udi muntu wa nganyi? Wakufuma kudi kunyi? Yeye wakamukudimuna dî ne, Ndi Muena Ejipitu, muhika wa Muena Amaleka; mukelenge wanyi wakashiya bualu bua disama diakankuata matuku asatu mahite.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

1 Samuele 14:43

Hashishe Shaula wakambila Yonatana ne, Ungambile tshiwakuenza. Yonatana wakamukudimuna dî ne, Bulelela, nakalabula buitshi bukese buakadi ku lusongo lua mulangala wakadi mu tshianza tshianyi; mona, bundi nʼabu mbua kufua.