Yona 1:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe, bantu aba bakatamba kutshina bakamuambila ne, Tshiudi muenzele nunku ntshinyi? Bua bantu aba bakamanya ne yeye wakadi unyema Yehowa, bualu bua wakamana kubambila nunku.

MUKANDA WA MYIDI MUKULU

¹⁰ Yona kubajadikila kabidi ne: ndi nnyema Maweja-Nangila. Biitshi ba buatu bumvua nanku, kukuatshikabu bowa. Ke kukonkabu Yona ne: — Udi unyema Maweja-Nangila bua tshinyi?

Yona 1:10 交叉引用

Yona 1:3

Kadi Yona wakabika bua kunyemeneye ku Tâshishi bua kumuka ku mesu kua Yehowa. Wakahueka ku Yopa, wakasangana buatu buamba kuya ku Tâshishi; wakafuta mushinga wa luendu, wakabuela mu buatu bua kuyeye ne bena buatu ku Tâshishi, unyema Yehowa.

Yobe 27:22

Bualu bua Nzambi udi wela mikete yandi kudiye, kayi umufuila luse; yeye wakadi kusua kuhanduka ku tshianza tshia Nzambi.

Yowanane 19:8

Hakunvua Pilato dî edi, wakatamba kutshina;

2 Samuele 24:3

Yoaba wakambila mukelenge ne, Yehowa, Nzambi webe, akumbashe bantu bu mudiye musue, nansha misangu lukama lukama, mesu a mukelenge wanyi atangile bualu ebu; kadi mukelenge wanyi udi ukeba disanka ku bualu ebu bua tshinyi?

Yoshua 7:25

Yoshua wakamba ne, Wewe wakatukengesha bualu kai? Yehowa neakukengeshe lelu. Bena Isalele bonso bakamukuma ne mabue yeye ne bintu biandi bionso kabidi, bakabiosha ne kahia.

Yona 1:11

Hashishe, bakamuebesha ne, Tukuenzele tshinyi hua mai manene abatame? Bualu bua mai manene akadi abisha mavuala.

Genese 3:13

Yehowa Nzambi wakambila mukashi ne, Bualu ebu buwakuenza budi tshinyi? Mukashi wakamba ne, Nyoka wakundinga, nakudia.