Yobe 36:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Biunvuabo dî diandi ne biamukuatshilabo mudimu, badi hashikisha matuku abo munkatshi mua diakalengele, ne bidimu biabo munkatshi mua masanka.

MUKANDA WA MYIDI MUKULU

¹¹ Bobu bitabe, batumikila Mvidi Mukulu, nebikale ne diakalenga, kabidi ne disanka dinene, too ne mudibu bafua.

Yobe 36:11 交叉引用

Yirmeya 7:23

Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

Yirmeya 26:13

Nunku nulengeshe nshila yenu ne bienzedi bienu bibi, nutumikile dî dia Yehowa, Nzambi wenu; ne Yehowa neakudimune mutshima wandi bua makenga akuambeye bua kunutumina.

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Ebrewu 11:8

Bua ditabusha Abalahama, hakabikidibueye wakatumikila bua kuyeye ku muaba wakadiye wamba kuangata bu buhianyi; wakaluhuka, kai mumanye kuakadiye uya.

Dielulula 4:30

Hanuakenga mu dikenga, halua malu au onso kunudi, nenuhingane kudi Yehowa, Nzambi wenu, mu matuku adi ku nyima, nenutumikile dî diandi:

Yakobe 5:5

Nuakushikama mu buneme ha buloba, nuakudisankisha ne masanka enu; nuakudiundisha mitshima yenu ilue manyi a bungi bua dituku didibo bashiha.

Didimanyisha 18:7

Bu muakaditumbisheye ne muakadinemesheye, bu nunku kabidi munuhe makenga ne madilu; bualu bua yeye udi udiamba mu mutshima wandi ne, Ndi mushikame mukelenge mukashi, tshiena mukashi wa mu lufuila, ne tshiena ntangila madilu tô kashidi.

Yobe 22:23

Biwahingana kudi Wa Bukole Buonso, biadihuekesha, biûmusha malu adi kayi makane mu ntenta webe,

Yobe 22:21

Unvuangane biebe ne Nzambi, wikale ne ditalala; nunku diakalengele nedilue kûdi.

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

Yobe 42:12

Yehowa wakasankisha Yobo mu matuku andi a kunshikidilu ne disanka dihite diakadiye nʼadi mu matuku a ku tshibangidilu. Yeye wakadi ne mikoko binunu dikumi ne binai, tumelo binunu bisambombo, ne ngombe ibidi ibidi ku tshikokedi tshimue bu bikokedi tshinunu ne bakashi ba nyama ya mpunda tshinunu.

Yobe 21:11

Badi balekela bana babo bakese bua bendakane bu tshisumbu tshia mikoko, ne bana bakalelabo badi baja maja.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

Yobe 21:13

Matuku abo onso adi ahita anu ne diakalengele, mu katuha kihi badi bahueka mu Muaba wa Bafue.

Misambu 16:11

Wewe neundeshe nshila wa muoyo. Tshiuwidi tshia masanka tshidi ha buihi nʼebe; masanka adi mu tshianza tshiebe tshia balume tshiendelele.

Misambu 149:4

Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

2 Kulondolola 33:13

Wakamutendelela; Nzambi wakamunvuila, wakitabusha kutendekena kuandi, wakamuhingisha ku Yelushalema mu bukelenge buandi kabidi. Hashishe Manashe wakamanya ne, Yehowa udi Nzambi.

Misambu 119:3

Bulelela, kabena benza malu mabi, badi benda mu nshila yandi.

Nsumuinu 1:33

Kadi muntu yonso udi ungunvuila neashikame talalâ, neikale holâ kayi ne ditshina dia dikenga dibi.