Yobe 33:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu kai wewe udi musue kufuilangana nʼandi, umubanda ne, Kena usokoluela bantu bienzedi biandi?

MUKANDA WA MYIDI MUKULU

¹³ Tshilumbu tshiudi mumuase ntshilumbu kaayi? Bualu kena musue kuandamuna ku nkonku yebe anyi?

Yobe 33:13 交叉引用

Yobe 40:2

Muntu udi udiula mei andi neasue kubambakasha mei ne Wa Bukole Buonso, anyi? Muntu udi utetangana mei ne Nzambi, itabe makonka andi.

Yeshaya 45:9

Mulau wikale kudi muntu udi ufuilangana ne Mufuki wandi! Ntshiyoyo munkatshi mua biyoyo bia ha buloba! Dima nedikonke mufumbi udi udifumba ne, Udi wenza tshinyi, anyi? Anyi mudimu webe udi mua kukuambila ne, Wewe kuena ne bianza, anyi?

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Rome 11:34

Bua wakamanya meshi a Mukelenge nganyi? Anyi wakamuha meshi nganyi?

Bienzedi 5:39

kadi bikala bualu ebu bua Nzambi, kanuena bamanye mua kubuhumbisha; nunku nebansangane nuluisha Nzambi nvita.

Bienzedi 1:7

Yeye wakabambila ne, Kumanya kua bikondo ne bidimu biakusungula Tatu mu bukokeshi buandi kambualu buenu.

Matayi 20:15

Tshiena mumanye mua kuenza ne bintu bianyi bu mundi musue, anyi? Disu diebe didi dibi bualu bua meme ndi muimpe, anyi?

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Yezekiyele 22:14

Mutshima webe udi mua kushindama ne bianza biebe bidi mua kushala bikole mu dituku dindi nkubikila ku tshilumbu, anyi? Meme, Yehowa, nakuamba dî edi, nendijadike kabidi.

Yirmeya 50:24

Wewe Babulona, nakukuelela buteyi, wakukuatshibuamu kuyi muanze bukudimuka; bakukusanganamu, bakukukuata, bualu bua wewe wakuluangana ne Yehowa.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Misambu 62:11

Nzambi wakuamba dî diandi musangu umue; nakunvua di edi misangu ibidi ne, Bukole mbualu bua Nzambi;

Yobe 9:14

Nunku meme hanyi ndi mua kuandamuna dî kudi kunyi anyi kusungula mei bua kuelangana nʼandi mpata?

Dielulula 29:29

Malu atshidi masokoka adi malu a Yehowa, Nzambi wetu: kadi malu adi masokolola adi malu etu ne a bana betu tshiendelele, bua tuetu tuenze mei onso a mikenji ei.

Rome 9:20

Nasha, kadi wewe, muntu udi nganyi udi wela Nzambi mpata? Tshintu tshifukibua netshikenke mufuki watshi ne, Wakunfuka nunku bualu kai, anyi?

Yobe 11:7

Wewe udi mumanye mua kumona ndekelu wa ndondo wa malu a Nzambi, anyi? Neumanye mua kufika ku nshikidilu wa meji a Wa Bukole Buonso, anyi?

Yobe 9:12

Tangila, bîanyengeye tshintu, udi mua kumukanda nganyi? Muntu kai udi mua kumukonka ne, Udi wenza tshinyi?

Yobe 10:2

Nengambile Nzambi ne, Kumpishi nansha; undeshe bualu butudi tufuila nʼebe.

Yobe 10:6

Bua wewe udi ukeba kumanya malu adi ampisha, ne udi ukeba kumanya bubi buanyi,