Yobe 31:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bua muanda eu wakadi kuikala tshilumbu tshifike bukole; bulelela, wakadi kuikala bualu bubi budi balumbuluishi ne bua kukengesha benji bau.

MUKANDA WA MYIDI MUKULU

¹¹ Bualu diba adi ndi mubunde tshibawu tshinene, tshidi ndumbulula yonsu mua kunyoka muntu bikole.

Yobe 31:11 交叉引用

Lewitiki 20:10

Mulume udi wenda masandi ne mukashi wa mulume mukuabo, nebashihe mulume ne mukashi wake ndeye nʼandi masandi.

Yobe 31:28

bualu ebu kabidi buakadi kuikala tshilumbu tshibi tshidi balumbuluishi ne bua kukengesha bahidi ba Nzambi, bualu bua nakadi kubenga Nzambi wa mu diulu.

Genese 38:24

Hakahita ngondo isatu, bakambila Yuda ne, Tamâ ma muenʼebe wakandamuka bu mukashi wa masandi, ne yeye wakimita difu kabidi ku masandi. Yuda wakamba ne, Balue nʼandi kunoko, bamuoshe mu kalua.

Yezekiyele 16:38

Nenkulumbuluishe bu mudibo balumbuluisha bakashi badi bashiha mabaka ne badi bamatshisha mashi a bakuabo hanshi; nenteke mashi a tshiji ne a mukau hamʼbidi hebe.

Ekesode 20:14

Kuendi masandi.

Genese 26:10

Abimeleke wakamuebesha ne, Bualu buwakutuenzela budi tshinyi? Bikala muena musoko mulale ne mukashi webe, wewe wakadi kutuvuisha mu mulau.

Genese 20:9

Hashishe Abimeleke Wakabikila Abalahama, wakamukonka ne, Bualu ebu buwakungenzela budi tshinyi? Nakukuenzela bualu bubi kai, bua wewe wakunvuisha ne bantu banyi mu bualu bubi bunene nunku? Wewe wakungenzela bualu bubi, budi kabuyi buimpe bua kuenza.

Genese 39:9

Yeye kena muntambe meme bunene mu nsubu eu, yeye kakumpidisha tshintu tshimue tshidiye nʼatshi anu wewe nkayebe, bualu bua wewe udi mukashi wandi: ndi mua kuenza bualu ebu bubi bunene ne mua kuenzela Nzambi bibi munyi?