Yobe 28:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi meji nebâsangane kudi kunyi? Muaba wa kujingulula malu udi kudi kunyi?

MUKANDA WA MYIDI MUKULU

¹² Kadi meji badi mua kuasangana penyi? Lungenyi ludi lusomba muaba kaayi?

Yobe 28:12 交叉引用

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yobe 28:20

Meji adi mafume kudi kunyi? Muaba wa kujingulula kua malu udi kudi kunyi?

Nsumuinu 3:19

Yehowa wakafuka buloba ne meji andi; wakajadika bia mu diulu ne lungenyi luandi.

Kolose 2:3

Munda muandi mudi musokoka bibutshidibue bionso bia meshi ne bia lungenyi.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

1 Bakalenga 3:9

Uhe muntu webe mutshima wa lungenyi bua kulumbuluila nʼau bantu bebe ne bua meme kumanya mua kujingulula hankatshi ha malu mimpe ne malu mabi: bualu bua udi mua kulumbuluila bantu bebe banene nganyi?

Yobe 28:11

Udi wela misulu nkila bua mai kâhueki, tshidi tshisokoka ntshidiye usokolola.

Yobe 28:23

Nzambi udi ujingulula nshila wa kudiu, ne yeye udi mumanye muaba wau.

Muambi 7:11

Lungenyi ludi luakane bu buhianyi; ludi dikuatshisha kudi badi batangila diba.