Yobe 21:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mesu andi mene amone kubutuka kuandi, yeye mene anue tshiji tshikole tshia Wa Bukole Buonso.

MUKANDA WA MYIDI MUKULU

²⁰ Bena malu mabi ke bavua mua kubuela mu dikenga, ke bavua mua kumvua pambidi pabu tshiji tshidi Mvidi Mukulu wa bukole buonsu natshi.

Yobe 21:20 交叉引用

Didimanyisha 14:10

yeye kabidi, neanue nvinyo wa tshishi tshia Nzambi wakalongolodibua kai musangisha ne tshinga tshintu mu luhanza lua tshishi tshiandi; ne neakengeshibue mu kahia ne soufre ku mpala kua banjelo ba tshijila ne ku mpala kua Muana wa Mukoko.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.

Misambu 75:8

Bualu bua mu tshianza tshia Yehowa mudi luhanza ne maluvu adi alulukamu; ludi lûle tente ne bintu bia muhuya muimpe bisangisha ne maluvu, ne yeye udi uhumunamu tshituha tshialu. Bulelela, bantu babi bonso ba ha buloba nebanuemu tô ne bishikishiki bialu, nebabinue kabidi.

Didimanyisha 19:15

Muele wa nvita mutuisha udi uhatuka mukana muandi, bua kutaheye nʼau bisamba bia bantu, ne yeye neabakokeshe ne dikombo dia tshiamu; ne yeye udi udiata tshikaminu tshia bukole bua tshishi tshia Nzambi wa Bukole Buonso.

Luke 16:23

Mu Muaba wa Bafue yeye wakatangila mulu, hakadiye mu makenga, wakamona Abalahama kuakua ne Lazalo mu tshiadi tshiandi.

Yirmeya 51:7

Babulona wakadi luhanza lua or mu tshianza tshia Yehowa, luakakuatshisha ba ha buloba bonso maluvu a malu mabi andi, ba mu bisamba bia bantu bakuma nvinyo yandi, nunku ba mu bisamba ebi bakuhala.

Misambu 60:3

Wakumueneshila bantu bebe malu makole akukengabo; wakutunuisha nyinyo yakutulenduisha.

Yobe 27:19

Udi ulala hanshi bu muntu mubanji, kadi kena wenza nunku kabidi; udi ubulula mesu andi, bionso biakujimina.

Dibadika 14:28

Nubambile ne, Yehowa udi wamba ne, Bu mundi ne muoyo, bu munuakuamba mu matshu anyi, nennuenzele nunku:

Yobe 6:4

Bualu bua mikete ya Wa Bukole Buonso idi munda muanyi, muoyo wanyi udi unua lulengu luai; malu adi Nzambi untshinyisha nʼau adi mela mualu wa nvita ku mpala kuanyi.

Yobe 21:21

Bua yeye udi ne disanka kai kudi ba mu nsubu muandi badi bashala ku nyima kuandi hashika ngondo yandi ha buloba?

Yobe 21:30

Badi basungila muntu mubi dituku dia dikenga, ne badi bahehula dituku dia tshiji tshikole, anyi?

Yirmeya 31:30

Kadi muntu yonso neafue bua bubi buandi yeye; muntu yonso udi udia tumuma tua buanji, menu andi neikale ne nvuenvue.

Yezekiyele 18:4

Tangilai, mioyo ya bantu bonso nyanyi; bu mudi muoyo wa tatu nguanyi, nunku muoyo wa muanʼandi wa balume nguanyi kabidi; muntu udi wenza bualu bubi, yeye muine neafue.

Misambu 75:9

Kadi meme hanyi nengambe butumbi buebe tshiendelele, nengimbile Nzambi wa Yakoba misambu ya kumutumbisha nʼai.