Yirmeya 8:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Tuakatekemena ditalala, kadi diakalengele kadiakulua kutudi; tuakatekemena tshikondo tshia kusangala, kadi monai, kabutu kadiku!

MUKANDA WA MYIDI MUKULU

¹⁵ Tuvua batekemene ne: malu onsu neajike bimpe. Kadi kakuena bualu buimpe nansha bumue to. Tuvua batekemene ne: makenga etu neajike, kadi tudi tubutuka.

Yirmeya 8:15 交叉引用

Yirmeya 14:19

Wewe wakuhidia Yuda tshiendelele, anyi? Mutshima webe udi mutondibue bua Siona, anyi? Wakututaha bikole nunku ne kakuena kuondaha kua mputa wetu, anyi? Tuakatekemena ditalala, kadi diakalengele kadiakalua kutudi; tuakatekemena tshikondo tshia kusangala, kadi monai, kabutu kadiku!

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Mika 1:12

Muana mukashi udi mushikame mu Malota udi uhampakana hadiye windila lumu luimpe. Bualu bua dikenga difume kudi Yehowa diakufika tô ne ku tshibuelelu tshia ku Yelushalema.

Yirmeya 8:11

Bakûmisha mputa wa bantu banyi anu kakese, bamba ne, Ditalala, ditalala, ne ditalala kadiyiku.

Yirmeya 4:10

Hashishe nakamba ne, Aka! Mukelenge Yehowa! Bulelela, wakudinga bantu aba ne ba mu Yelushalema bikole hawakamba ne, Nenuikale ne ditalala, kadi muele wa nvita udi ubatubula tô ne ku mioyo yabo.

Yobe 30:26

Hanakatekemena diakalengele, dikenga diakalua; hanakindila munya, butuku buakila.

Yirmeya 6:25

Kanuluhuki bua kubuela mu budimi, kanuendi mu nshila! Bualu bua muele wa nvita wa bena lukuna ne buowa bukole bidi ku nseke yonso.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yezekiyele 7:25

Kanyinganyinga kalualua; bobo nebakebe ditalala, ne diodio kadiena dikalaku,