Yirmeya 7:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Tangilai, nudi nueyemena mei a mashimi adi kâyi mua kunukuatshisha.

MUKANDA WA MYIDI MUKULU

⁸ Kadi, nudi nutekemena miaku ya dishima idi kayiyi mua kunuambuluisha.

Yirmeya 7:8 交叉引用

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Yirmeya 23:32

Yehowa udi wamba ne, Tangilai, ndi mbenga baprofete badi bamba mei a mashimi bua bilota biabo, badi babiawila bantu bakuabo, badi benzesha bantu banyi bua kuenzabo malu mabi ne ku mashimi abo ku kufuna kuabo; kadi tshiakabatuma, tshiakabelela mukenji bua kuyabo; Yehowa udi wamba ne, Kabena bakuatshisha bantu aba, nansha kakese.

Yirmeya 23:26

Bualu ebu nebuikale mu mitshima ya baprofete badi bamba mei a mashimi, badi badidinga mu mitshima yabo, musangu bule bishi?

Yirmeya 8:10

Nunku nenfile bakashi babo kudi bantu bakuabo, ne madimi abo kudi badi babatamba bukole, bualu bua, kudi udi mutambe buhuekele tô ne kudi udi mutambe bunene, muntu yonso udi ne lukuka lua biuma; kudi muprofete tô ne kudi muakuidi badi badingangana.

Yirmeya 7:4

Kanueyemenyi mei a mashimi a badi bamba ne, Eu udi ntempelo wa Yehowa, ntempelo wa Yehowa, ntempelo wa Yehowa.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yirmeya 4:10

Hashishe nakamba ne, Aka! Mukelenge Yehowa! Bulelela, wakudinga bantu aba ne ba mu Yelushalema bikole hawakamba ne, Nenuikale ne ditalala, kadi muele wa nvita udi ubatubula tô ne ku mioyo yabo.

Yeshaya 30:10

Badi bambila bamonyi ba bikena kumona ne, Kanubimonyi; badi bambila baprofete ne, Kanutuambidi mei a malu makane, nutuambile mei mashemakane, nutuambile malu adi mua kufu dinga!

Yeshaya 59:4

Kakuena muntu udi ufunda tshilumbu ne mutshima muakane, kakuena muntu udi wakula tshilumbu tshiandi mu bulelela; buonso buabo badi beyemena malu a hatuhu, badi bamba mashimi; badi bimita mafu adi ne malu mabi ne badi balela bualu bubi.

Yirmeya 28:15

Yelemiya muprofete wakambila Hananya muprofete ne, Unvua biebe, Hananya! Yehowa kakukutuma nansha; kadi wewe udi wenzesha bantu aba bua kueyemenabo mei a mashimi.

Yirmeya 13:25

Yehowa udi wamba ne, Elu nduseke luebe lua buhianyi, ne tshituha tshinakukuidikishila, bualu bua wakumpua meme muoyo, wakueyemena mashimi.